https://bertusclub.ru/wp-admin/options-general.php?highlight=confirm_admin_email
МУНИЦИПАЛЬНОЕ БЮДЖЕТНОЕ УЧРЕЖДЕНИЕ "БЕРТ-УСОВСКИЙ ЦЕНТР ДОСУГА "АЙЫЛГЫ" МУНИЦИПАЛЬНОГО ОБРАЗОВАНИЯ "БЕРТ-УСОВСКИЙ НАСЛЕГ"
Записи в рубрике Uncategorized
⚜️⚜️⚜️⚜️⚜️⚜️⚜️Бэс ыйын 21 күнүгэр Бэрт-Ууһун нэһилиэгэр саха дьоно сайыҥҥы биир бастыҥ бырааһынньыкпыт ҮРҮҤ ТУНАХ, ҮҮТ СӨЛӨГӨЙ ЫҺЫАХ күнэ бэт сэргэхтик ааста. Ол курдук, Ыһыах сиэригэр — туомугар Курбуһах нэһилиэгин бочуоттаах олохтооҕо Павел Павлавич Окоемов кэлэн алгыс тылынан амалыйда,Эрэкэ-Дьэрэкэ о5олор «Кустук» лааҕыр о5олоро, нэһилиэк үҥкүүһүт Далбар Хотуттара «Дойдууна» үҥкүү бөлөҕө үҥкүүлээтилэр, Ыһыах ЫТЫК ДУО5АТЫН баһылык Илья Прокопьевич Ильинҥа, нэһилиэкпит биир бастыҥ сылгыһыта Дмитрий Степанович Окоемов туттарда, э5эрдэ тылын этэн туран алгысчыт чороонноох кымыһы туттаран алгыстаах кымыс үрдүн охтортордо.Кымыс иһиитэ, оһуохай буолла👍🏻👏🏻 Ыһыах сүрүн бэлиэ түгэнинэн СӨ култууратын туйгуна , Бэрт-Ууһун нэһилиэгин бочуоттаах олохтооҕо, учууталлар учууталлара НИКОЛАЙ НИКОЛАЕВИЧ ПРОТОПОПОВ үбүлүөйдээх 70 сааһыгар , «ДЬҮКЭЭБИЛ» оҕо ырыа — үҥкүү образцовай ансаамбыла тэриллибитэ 40 сылыгар ананна. Үөрүүлээх быһыыга нэһилиэкпит баһылыга Илья Прокопьевич Николай Николаевичка, Октябрина Ивановна Протопоповтарга уонна Анна Николаевна Винокурова5а , Анна Семеновна Бурнашева5а Иван Николаевич Ивановка, Нюргуяна Николаевна Бурцева5а «СЭР Берт-Усовского наслега» бэлиэ туттарылынна.Знак «За вклад развитие кузнечного дела Б-У наслеге»Олесов Афанасий Петровичка,Петров Дмитрий Дмитриевичка,Почетная грамота Главы Усть-Алданского улусаПротопопов Николай Николаевичка, Винокурова Анна Николаевна5а Бэрт-Ууһун баһылыгын Эҕэрдэ суруктара: Россияҕа дьиэ кэргэн сылынан уонна бииргэ олорбуттара 60 сылынан Аграфена Алексеевна уонна Константин Константинович Слепцовтарга, Россияҕа дьиэ кэргэн уонна бииргэ олорбуттара 45 сылынан, Дьүкээбил ансамбль 40 сылынан Николай Николаевич уонна Октябрина Ивановна Протопоповтарга, Дьүкээбил ансамбль 40 сылынан Винокурова Анна Николаевнаҕа туттарда. Убулуейдээхтэргэ элбэх э5эрдэ тыл этилиннэ, подароктар туттарылыннылар. Үөрүүлээх Ыһыах арыллыытын «Дьүкээбил» урут ансаамбылга сылдьыбыт, Николай Николаевичка, Анна Николаевна5а дьарыктаммыт о5олор кэлэн ыллаан-туойан,үҥкүү лээн киэргэттилэр, биир дойдулаахтарыгар ырыа — үҥкүү кэрэ иэйиитин бэлэхтээтилэр.👍🏻👍🏻👍🏻👏🏻👏🏻👏🏻Ол курдук концертка кыттыыны ыллылар, А.Н.Винокурова салайааччылаах «Оһуор утум» үҥкүү коллектива, республиканскай международнай бальнай үҥкүү конкурстарын хас да төгүллээх кыайыылаахтара Оксана Протопопова,Михаил Борисов, ырыаһыттар Ирина Неустроева, Мария Винокурова, Олимпиада Колесова, Анна Неустроева бэйэлэрин айбыт ырыаларын ыллаан үөртүлэр, кэрэ куоластаах Алита Мигалкина, Галина Матвеева, хатыламмат куоластаах Андрей Васильев , Лаврентий Тарскай киэргэттилэр👍🏻👏🏻 Концерт кэннэ “ЫҺЫАХ МААНЫЛААХ САНДАЛЫТА ” түһүлгэҕэ аһылык кэмигэр олохтоох дьаьалта эмис байтаһын БИЭ ЭТИНЭН, БЫЫППА5ЫНАН КҮНДҮЛЭЭТИЛЭР👍🏻👍🏻👍🏻👏🏻👏🏻👏🏻😋😋😋 Эбиэт кэннэ араас конкурстар, спортивнай күрэхтэр ыытылыннылар. Кыайыылаахтар сыаналаах бирииһинэн уонна нэһилиэкпит Герой Ийэлэрин о5олоро сиэннэрэ олохтообут бириистэрин тутан үөрүүлэрэ үрдээтэ. Бирииһи олохтообуттарга бар5а баьаам махталбытын тиэрдэбит! Тэрээһини иилээн-саҕалаан ыыттылар: Анна Неустроева, Пелагея Парникова. Дьэ,ол кэннэ Ыһыах күнүскү тэрээһинин түмүктүүр ИП БУРЦЕВ Р.Н. «БААТТААХ ТҮГЭН» улахан 🎁🎁🎁 сүүйүүлээх оонньуута буолла. Сүрүн улахан бириистэри талааннаах тарбахтаахтар:Тиңэһэ-Пегова Розалия(Сыырдаах)Убаһа-Винна Алексеева(Бүлүү,Илбэңэ)Убаһа-Александр Шепелев(Сыырдаах)ылан үөрүү-көтүү үктэллэннилэр👍🏻👏🏻 Киэһээ А.П.Иванов аатынан норуот айымньытын киинигэр «ТУЙМААДА» САХА ГОСУДАРСТВЕННАЙ ВОКАЛЬНАЙ АНСААМБЫЛЫН кэнсиэрэ кэлэн сэргэхситтилэр! 🎤🎼💃🕺🏻👍🏻👍🏻👍🏻👏🏻👏🏻👏🏻 Ыьыах күнэ Эрхаан Слепцов диджейдаах саҥа көрсө «ҮРҮҤ ТҮҮН» уоттаах — күөстээх Үҥкүү-битии тэрийэн түмүктээтэ👍🏻👏🏻 💃💃💃🕺🏻🕺🏻🕺🏻🌿🌿🌿🌿🌿🌿🌿Күндүтүк саныыр биир дойдулаахтарбыт, нэһилиэкпит дьоно-сэргэтэ, самаан сайын барахсан саамай силигилээн, чэлгийэн турар кэмигэр, Аар айылҕаттан күүс-сэниэ, алгыс ылан, саха омук аатын үрдүктүк тутан, сахалыы таҥастарын сайбаччы кэтэн, алаас устун сайбаччы хаамсан, сибиэһэй салгынынан сайа тыына, САХА киһитэ киэҥ туттар Ыһыах бырааһынньыгын кэлэн көхтөөх кыттыыны ылан тар5астылар🙌🏻🙌🏻🙌🏻 Бука бары Ыһыах тэрээһинигэр күүс- көмө буолбут дьоммутугар бар5а баһаам махталбытын тиэрдэбит! Бар дьоммут куруутун бу курдук үөрэ-көтө сылдьыҥ! Дьоллоох, доруобай буолуҥ!
Бэрт-Ууһун нэһилиэгэр Дьиэ-кэргэн, оҕо-аймах, А5а сылларыгар анаан ыытыллыбыт ҮРҮҤ ТУНАЛ Ыһыах конкурстарын түмүктэрэ.
«МИН ТИРЭ5ИМ ДЬИЭ КЭРГЭНИМ» конкурска» Ситиһиилээхтик кыттыыларын иһин» — Егоровтар дьиэ-кэргэн — бирииһи олохтоотулар Герой ийэ Елена Иннокентьевна Васильева о5олоро,сиэттэрэ уонна А.П.Иванов аатынан НАК олохтообут харчынан сертификаттара туттарылынна.3 миэстэ — Сыромятниковтар дьиэ-кэргэн, бирииһи олохтоотулар Герой ийэ А.С.Портнягина оҕолоро, сиэттэрэ уонна А П.Иванов аатынан НАК сертификат2 миэстэни — Копыриннар дьиэ кэргэн, бирииһи олохтоотулар Герой ийэ М.Н…. (читать далее)
Бэрт-Ууһугар 29-30 күннэригэр ыытыллыбыт Саха Өрөспүүбүлүкэтин норуотун маастардара, Россия айар худуоһунньуктарын сойууһун чилиэннэрэ Ольга Петровна Колодезникова-Айыллаана Иис, Иван Иннокентьевич Окоемов-Уран Сэһэн Россияҕа дьиэ-кэргэн сылынан, үрүҥ тунах ыһыахтары көрсө «УРАН МААНЫ ТАҤАСПЫТ »халадаай уонна эр киһи сахалыы ырбаахытын тигиигэ аһаҕас өрөспүбүлүкээнскэй блиц-конкурс улууспутугар бастакытын бэрт тэрээһиннээхтик ыытылынна. Бу күрэскэ бэйэлэрин холонон көрөөрү Дьокуускай куораттан, Мэҥэ-Хаҥалас улууһуттан уонна улууспут нэһилиэктэриттэн уопсайа 13 иистэнньэҥ кэлэн кытынна. Тэрийээччилэринэн Бэрт-Ууһун нэһилиэгин дьаһалтата, Уус-Алдан улууһун культураҕа управленията, А.П. Иванов аатынан Сыырдаахтааҕы норуот айымньытын киинэ, “Олоҥхо дьиэтэ” этно-культурнай киин, “Мындыр” түмсүү буолаллар. “Уран мааны таҥаспыт” блиц-конкурс сыала-соруга саха төрүт ииһин, таҥаһын тигээччилэри өйөөһүн, саҥа ааттары таһаарыы, саха таҥаһын пропагандалааһын. Бастакы күн тэрийээччилэр сарсыардаттан сахалыы сиэринэн сыт таһааран, алаадьы,саламаат астаан ыалдьыттарын көрүстүлэр, регистрация буолла, таҥас тиктэрээччилэр иистэнньэннэргэ кэлэн миэркэлэрин биэрдилэр. Күнүс 13:00 чаастан тэрээһин үөрүүлээх арыллыыта буолла, О.П.Колодезникова, И.И.Окоемов тикпит сахалыы таҥастарынан дефиле буолла. Саха НВК хампаанньата кэлэн устан, тута бу күн сонуннарга таһаардылар. Ол кэннэ тута иистэнньэҥнэр улэлэрин са5алаан, киэһээ 7 чааска диэри иистэннилэр. Үлэ кэннэ тэрийээччилэр минньигэс астаах сандалы тардан конкурсаннары күндүлээтилэр, ирэ-хоро кэпсэттилэр, билсистилэр, саҥа оскуола5а, аатырбыт Сыырдаах Эбэ кытылынан күүлэйдэттилэр, өйдөбүнньүк хаартыскаларга түстүлэр. Иккис күн киэһээ 18:00 чаастан улууспут мааны ырыаһыттара, Өлтөх нэһилиэгиттэн Иван Окоемов төрүттээбит «Сардаҥа» бальнай үҥкүү коллектива, Арыылаахтан Евдокия Карамзина салайааччылаах «Ырыа уонна сибэкки» вок.ансаамбыл кыттаннар киэргэттилэр. Долгутуулаах түмүк тахсарын кэтэһэр сынньалаҥҥа Кыайыы болуоссатыгар тахсан ОҺУОХАЙЫ оройуттан туттубут. Дьэ ол кэннэ, дьоро-мааны киэһээ долгутуулаах чааһа ыытылынна!👍👍👍👏👏👏 ✅ Халадаай былааччыйаны тигиигэ: 1 миэстэни ылла Изабелла Саввинова (Мүрү, оверлоктуур массыына, бирииһи олохтоото О.П.Колодезникова, 2 миэстэни ылла Прасковья Баишева (Төҥүлү, бирииһи олохтоото ИП Александр Колодезников, «Якутьюре» 10 000 сертификат),3 миэстэни — Екатерина Васильева (Суотту, Парагенератор, бирииһи олохтоото О.П.Колодезникова кыыһа Юлия Говорова.) ✅ Эр дьон сахалыы ырбаахытын тигиигэ : 1миэстэни — Зинаида Алексеева (иистэнэр массыына, бирииһи олохтоотулар Н.В.Иванов о5олоро,сиэннэрэ, 2 миэстэни — Сенильга Илларионова (Бэстээх, (10 000 Сертификат «Якутскай мех» И.И.Окоемов аймахтара ), 3 миэстэни — Мүрүттэн сылдьар Валентина Лукина ылары ситистилэр ( бирииһи олохтоотулар «Якутскай мех» 8000 Сертификат, Н.Г.Прокопьева .) Маны таһынан кыттыылаахтар анал ааттарынан, спонсордар туруорбут сыаналаах бириистэринэн на5араадаланнылар. Бирииһи олохтоотулар: Уус-Алдан улууһун культуратын управлениета, Бэрт-Ууһун нэһилиэгин баһылыга И.П.Ильин. ЭКЦ Дом Олоҥхо, «Тойон Мүрү» дыбарыаһа,»Мындыр» общ.түмсүү, «Модун» спорткомплекс, Попов И.Е., Өлтөх нэһилиэгин баһылыга К.А.Алексеев. Тигиллибит таҥастар Бэрт-Ууһун нэһилиэгин А.П.Иванов аатынан норуот айымньытын киинин иһинэн үлэлиир «Дойдууна» үҥкүү коллективыгар уонна «Дьүһүй» эр дьон вок.ансамбылыгар ананан тигиллэн бэлэх буолан хаалла. Таҥас материалын норуот айымньытын бэлэмнээтэ, директор Л.Л.Бурцева. Бука бары конкурс кыттыылаахтарыгар, тэрийээччилэргэ, спонсордарга, концерт кыттыылаахтарыгар бар5а баһаам махталбытын тиэрдэбит! Бар дьоммут куруутун үөрэ-көтө сылдьыҥ, доруобуйаны, дьоллоох олоҕу баҕарабыт!!🙌🏻🙌🏻🙌🏻 Конкурс кыттыылаахтарыгар, кыайыылаахтарыгар өссө төгүл итии-истиҥ эҕэрдэбитин тиэрдэн туран, махталбытын тиэрдэбит! «Түмсүүлээх буоллахха туох барыта кыаллар» диэн девиһинэн салайтаран, биир дойдулаахтарбыт Одьга Колодезникова, Иван Окоемов «УРАН МААНЫ ТАҤАСПЫТ» бырайыактара кэлэр да сылларга өссө элбэх кыттааччыларданан , дьону-сэргэни түмүө диэн эрэнэбит! 👍🏻👏🏻
Ыам ыйын 29-30 күннэригэр Уус-Алдан улууһун Бэрт-Ууһун нэһилиэгэр Саха Өрөспүүбүлүкэтин норуотун маастардара, Россия айар худуоһунньуктарын сойууһун чилиэннэрэ, үбүлүөйдээх сааһын көрсөр Ольга Петровна Колодезникова — Айыллаана Иис,Иван Иннокентьевич Окоемов- Уран СэһэнРоссияҕа дьиэ-кэргэн сылынан, үрүҥ тунах ыһыахтары көрсө*«Уран мааны таҥаспыт»*халадаай уонна эр киһи сахалыы ырбаахытын, ыстаанын тигиигэ аһаҕасөрөспүбүлүкээнскэй блиц-конкурс ыытылла турар.Тэрийээччилэринэн- Уус-Алдан улууһун, Бэрт-Ууһун нэһилиэгэ- Александр Петрович Иванов аатынан норуот айымньытын киинэ. — Уус-Алдан улууһун культураҕа управленията. — “Олоҥхо дьиэтэ” этнокультурнай киин- “Мындыр” түмсүү буолаллар. Көрүү сыала-соруга: — Саха төрүт ииһин, таҥаһын тигээччилэри өйөөһүн, саҥа ааттары таһаарыы;- Саха таҥаһын пропагандалааһын.Тэрийээччилэр үлэлиир миэстэни бэлэмнииллэр, тигэр материалынан хааччыйаллар. Куоннкурус кыттыылаахтара 2 күн устата халадаайы уонна эр киһи сахалыы ырбаахытын тигэллэр. Тикпит таҥастара тэрийээччилэргэ хаалар. Дьүүллүүр сүбэ кыайыылаахтары быһаарар, халадаай былааччыйа кыайыылааҕар Ольга Петровна – Айыллаана Иис, эр дьон таҥаһын түһүмэҕэр Иван Иннокентьевич – Уран Сэһэн анал бириистэрэ туттарыллыахтара.Кыайылаахтар куонкурус спонсордарын сыаналаах бириистэринэн на5араадаланыахтара. Куонкурус кыттыылаахтарыгар ситиһиилэри ба5арабыт! 🙌🏻🙌🏻🙌🏻
Ыам ыйын 25 күнүгэр, Бэрт-Ууһун нэһилиэгэр ОҺУОХАЙ КҮНҮН көрсө «Дорообо сайын» тэрээһин бэрт сэргэхтик ааста. Ол курдук олохтоох бэйэни салайыныы солбуйар баһылыга В.В.Петров,кырдьа5астар түмсүүлэрин бэрэссэдээтэлэ М.М.Портнягин уонна саамай саастаах ыалдьыт А.Д.Портнягина э5эрдэлэриттэн саҕаланна. Итии чэйдээх сандалы тула олорон ирэ-хоро кэпсэттилэр. Култуура үлэһиттэрэ сэргэх ырыалары ыллаатылар, көрдөөх оонньуулары оонньоотулар, «Икки сулус» конкурс ыыттылар. Нэһилиэкпит баай байанайдаах булчуттара анаан бэлэмнээбит кустарын, сибиэһэй соболорун ыраастаан киллэрэн, онно тута буһаран күндүлээтилэр. Аҕам саастаахтарбыт дуоһуйа кус, собо миинин итиилии амсайан астыннылар, булчуттарга бар5а баһаам махталларын тиэртилэр. Тото-хана аһаан баран,сыһыыга, хонууга тахсан, ыалдьыппыт тойуксут, олоҥхоһут Афанасий Бурцев — О5устаах Охонооһой таһаарыытынан оһуохайдаан сэгэлдьийдилэр, араас оонньуулары оонньоон сэргэхсийдилэр,эгэлгэ бириистэри тутан,дьиэлэригэр өттүк харалаах, илии тутуурдаах баралларыттан оҕолуу үөрдүлэр, өйдөбүнньүк хаартыскаҕа түһэн, тэрийээччилэргэ махтанан тар5астылар.
Бэрт-Ууһун нэһилиэгэр «КИМ ДА УМНУЛЛУБАТ, ТУОХ ДА УМНУЛЛУБАТ!» Кыайыы өрөгөйдөөх 7️⃣9️⃣ сылын уруйдуур тэрээһиннэр ыытылыннылар. Ол курдук ыам ыйын 8️⃣ күнүгэр🚩🚩🚩 киэһээ 8 чаастан Ленинград блокадатын 80 сылыгар аналлаах Иван Гоголев — Кындыл «КЭРЭ КӨМҮСКЭЛИГЭР» айымньытыгар уонна Уус-Алдан , Суотту нэһилиэгин олохтооҕо, блокаданы этинэн — хаанынан билбит Суотту нэһилиэгин олохтооҕо Роза Ивановна Татаринова ийэтэ Ксенья Васильевна Гаврильева ол кэмнэргэ суруммут дневнигар олоҕуран, Ленинградка артыыс үөрэҕэр үөрэнэ сылдьан блокадаҕа түбэһэн эрэйи көрбүт, хоргуйууттан суорума суолламмыт эдэркээн студеннар тустарынан Суотту норуодунай театрын режиссера Варвара Захаровна Стрекаловская 2️⃣0️⃣0️⃣5️⃣ сыллаахха туруорбут испэктээкилин видеонан көҥүл көрдөрүү буолла 🎭🎭🎭🎭🎭🎭 Испэктээкил кэнниттэн — «ӨЙДҮҮБҮТ! СҮГҮРҮЙЭБИТ! МАХТАНАБЫТ!» А5а Дойду сэриитин толоонугар хаалбыт уонна биһиги кэккэбитигэр номнуо суох буолбут сэрии ветераннарыгар «СҮГҮРҮЙҮҮ ЧУМЭЧИТИН УОТУН УМАТЫЫ» буолла. 🚩🚩🚩 🚩🚩🚩🚩🚩🚩Ыам ыйын 9️⃣ күнүгэр сарсыарда 11 чаастан «Уруйдуубут улуу КЫАЙЫЫНЫ!» миитин тэрилиннэ. — Бэрт-Ууһун нэһилиэгин баһылыга И.П.Ильин эҕэрдэтэ. — Музыкальнай эҕэрдэлэр. — Сэрии сылын оҕолорун эҕэрдэлээһин. — СҮГҮРҮЙҮҮ МҮНҮҮТЭТЭ — Саха саллаатын пааматынньыгар өйдөбүнньүк ВЕНОК ууруута — Сэрии кэмин оҕолорун чиэстээһин буолла, ол кэннэ «АМАРАХ» кулуубунан ыалынан сылдьан, миитиҥҥэ кыайан кэлбэтэх сэрии кэмин оҕолорун эҕэрдэлээһин, үгэскэ кубулуйбут «Сухой паек» астаах подароктары туттарыы буолла. Миитиҥҥэ 7 сэрии кэмин оҕолоро ыалдьыттаатылар.
Саха Республикатын күнүн көрсө Муус устар 2️⃣7️⃣ күнүгэр А.П.Иванов аатынан норуот айымньытын киинигэр дьоһун тэрээһин ыытылынна. Кулууп дьиэтин фойетыгар В.А.Бурцева салайааччылаах «УТУМ» коллекционердар түмсүүлэрин быыстапкатата турда. Дьон мустарын кэтэһэ «Айылгы бэлэ5э» сүүйтэриитэ суох спринт-лотерея оонньонно. Тэрээһин үөрүүлээх арыллыытыгар Бэрт-Ууһун нэһилиэгин баһылыга И.П.Ильин э5эрдэ тылын эттэ. Эрхаан Слепцов «Сахам сирэ» ырыатынан э5эрдэлээтэ. «Саха буолан сандаарыа5ын!» , күргүөмүнэн хомус алыптаах тыаһынан дьүрүһүтүүнү «ЫМЫЫЧААН» о5о куруһуогун о5олоро таһаардылар,билиҥҥи ДОЙДУ үрдүнэн буола турар дьал5аан түргэнник түмүктэнэн эйэлээх олох эргиллэрин туһугар «ЭЙЭ ЫРЫАТА» ырыа күргүөмүнэн толорулунна . 🎭🎭🎭🎭🎭 СӨ культуратын туйгуна А.Н.НЕУСТРОЕВА 2️⃣0️⃣1️⃣4️⃣ сыллаахха САХА СИРИН биир бастыҥ суруйааччыта Р.А Кулаковскай «ТАТЫЙЫК уонна ТАБЫЙЫК» Бэрт-Ууһугар бэрт былыр, дьиҥ буолан ааспыт түбэлтэттэн суруйбут сэһэнигэр оло5уран туруорбут драм испэктээкилин видеонан көрдөрүү премьерата буолла. Сүрүн оруолларга: Татыйык — Оксана Петухова, Табыйык — Павел Москвитин. Сулугус Лэгэнтэй — Александр Иванов, Байбара Балбаара — Лилия Бурцева, Килээп — Иван Охлопков, Хабытай — Вера Москвитина, Муостаан о5онньор — Афанасий Гаврильевич Колодезников, Хоноһо — Константин Константинович Слепцов, Хоноһо уола — Александр Соловьев, Ча5ардар — Валентина Полушкина, Николай Ширяев. Хатыҥнар — «Айылгы» үҥкүү бөлөҕө. Оформителлэр : Антонина Тарская, Василий Бурцев, Марфа Барабанская. Атрибутка,көстүүмҥэ үлэ — Александра Портнягина, Музыканан киэргэтии — Константин Слепцов. Звукооператор — Николай Ширяев. Видеооператор — Петр Николаевич Алексеев. Кыттыыны ыла кэлбит көрөөччүлэр Анна Неустроева үбүлүөйдээх сааһыгар, ону тэҥэ «АРТЫЫСТАР» драм уонна көр-күлүү бөлөҕүн тэрийбитэ 1️⃣0️⃣ сылынан , сценарист — режиссер быһыытынан, айар үлэтэ видеоҕа тахсыбытын улахан экранна көрөн астынан тар5астылар.
🌷🌞🌷🌞🌷🌞🌷Муус устар 1️⃣3️⃣ күнүгэр, 2️⃣7️⃣ төгүлүн сандал сааһы көрсө улуус 1️⃣0️⃣-с кылааһын кыргыттарыгар аналлаах» СААСКЫЛААНА 2024 » конкурс ыытылынна.Түмүккэ;💐 «СИР СИМЭ5Э» уонна «ТЫҤААНЫ КУО» анал ааты ЛИЗА МАРКОВА — Суотту нэһилиэгэ ( «Айылгы» СК, «Уйгу» маҕаһыын, Охлопков Дь.М. , Охлопкова А. С. уонна ЖКХ Черкашин О. Г. бириистэрэ туттарылыннылар.)💐 «УРАН ТЫЛ» уонна «КЭСКИЛЭЭНЭ КУО» анал ааты ылла САНДААРА СТРУЧКОВА — Мэҥэ-Хаҥалас, Балыктаах( Олохтоох администрация, баһылык И.П. Ильин, ИП Д.Е. Попов , М. С. Попова, СУБ — С.В .Бурцева бириистэрэ туттарылыннылар.)💐 «СААСКЫЛААНА 2024» үрдүк ааты ылла ВИЛЕНА БАРАБАНСКАЯ.( Сыырдаах орто оскуолата, директор И.Г. Портнягин уонна «Чуораанчык» уһуйаан, заведующай М.П.Бурцева, » Айылгы» СК коллектива бириистэрэ туттарылыннылар).Бука бары кыттыыны ылбыт Кэрэ Куоларбытыгар, дьоро киэһээни ыыппыт Алина Захароваҕа, Арылхан Адамовка, көмөлөспүт Сардаана Олесоваҕа, уолаттарбытыгар Кирилл Олесовка, Петя Колодезниковка, дьүүллүүр сүбэҕэ, Э. Ф. Антоновка, музыкальнай эҕ эрдэнэн киэргэппит талба талааннаах оҕолорбутугар, бары спонсордарбытыгар, кафе тэрийбит Портнягиннар, Андросовтар дьиэ-кэргэттэригэр, кэлэн кыргыттарбытын ытыс тыаһынан кэлэн көх-нэм буолан көҕүлээбит көрөөччүлэрбитигэр барҕа-баһаам махталбытын тиэрдэбит! 🥳🥳🥳💐💐💐💃💃💃🙌🏻🙌🏻🙌🏻👏🏻👏🏻👏🏻💐💐💐
А. П. Иванов аатынан норуот айымньытын киинэ