Бэрт-Ууһун нэһилиэгэр ыччат түмсүүтэ аһымал кэнсиэр оӈордулар.

Бэрт-Ууһун нэһилиэгэр алтынньы 2️⃣1️⃣ күнүгэр нэһилиэк ыччаттара «ЭДЭР СҮРЭХ ТЭТИМЭ» акция кэнсиэр буолла. Кэнсиэр иннинэ нэһилиэк дьонун түмэн оһуохайынан саҕаланна.
Саӈа тэринэн үлэлээн эрэр урбаанньыт Копырин Анатолий Анатольевичка күүс-көмө, өйөбүл буолан нэһилиэк ыччаттара түмсэн, биир сомоҕо буоллулар. Бу олорор олоххо ким даҕаны олох араас өрүттэриттэн бигэ көмүскэллээх буолбат, араас мэһэйдэр, быһылааннар эмискэ олоххор баар буолаллар. Алтынньы 12 күнүгэр сарсыарда эрдэ алдьархай аана Анатолий Копырин саӈа туттубут гарааһа, массыыната, ыарахан сыаналаах туттар маллара уокка былдьанан иэдээн буолбута. Аһымал кэнсиэргэ нэһилиэк ыччаттара түмсэ охсон, нэһилиэк дьонун түмэ тардан улахан, бэрт сэргэх кэнсиэри көрдөрдүлэр. Бастатан туран Бэрт-Ууһун нэһилиэгин баһылыга Ильин И. П. бу акция кэнсиэргэ кэлбит, көмөлөспүт дьоӈӈо Махталын тиэртэ. Кулууп саалатын иһэ толору дьонунан туолла, бииртэн биир сэргэх нүөмэрдэргэ дохсун ытыс тыаһын бэлэхтээтилэр. Тэрээһиммитин өссө киэргэтэн биэрдэ биһиги ыалдьыппыт кэрэ куоластаах Тимур Корякин. Ыччаттарбыт ылбаҕай ырыаларынан, имигэс хамсаныылаах үӈкүүлэринэн, көр-күлүү сценкаларынан нэһилиэк дьонун, ыалдьыттарын сэргэхситтилэр. Бүтэһигэр аһымал акцияҕа киирбит суумманы А. П. Иванов аатынан норуот айымньытын киинин директора Бурцева Л. Л. уонна социальнай үлэһит Иванова В. М. билиһиннэрдилэр, уопсай суумма 96 300 солк. хомулунна.👍🏻👏🏻👏🏻 Ыччат түмсүүтүн салайааччыта Копырин П. М. Анатолий Копыриӈӈа ыччат түмсүүтүн аатыттан тыл эттэ, дохсун ытыс тыаһынан көмөлтөтүн туттарда. Анатолий нэһилиэк ыччаттарыгар, кэлбит дьоӈӈо Барҕа Махталын тиэртэ.
«Норуот күүһэ-көмүөл күүһэ» диэн саха омукка бэргэн этиигэ биһиги нэһилиэк туора турбакка хас биирдиибит Анатолийга күүс-көмө, өйөбүл буолабыт!🙌🏻✊🏻