⚜️🔆⚜️🔆⚜️🔆 БЭС ЫЙЫН 1️⃣8️⃣ күнүгэр Бэрт-Ууһун нэһилиэгэр Үлэ сылыгар аналлаах ҮРҮҤ ТУНАХ ЫҺЫАХ бэрт тэрээһиннээхтик, сэргэхтик,өрө көтөҕүллүүлээхтик ааста. Бука бары эрдэ туран,түөлбэнэн түһүлгэ оҥостон бэлэмнэнэн үөрэ-көтө мустан, нэһилиэкпит олохтоохторо,ыалдьыттара саха таҥаһын сайбаччы кэтэн күөх от устун хаамыстылар! Эрдэттэн бэлэмнэммит 9 туптэ буруота унааран түһүлгэни, дьону-сэргэни ыраастыы арчылыы көрүстэ. 1️⃣1️⃣:0️⃣0️⃣ч.⚜️ Ыһыах үөрүүлээх аһыллыытыгар нэһилиэкпит Далбар Хотуттара «Дойдууна» үҥкүү бөлөҕө арчы үҥкүүтүнэн арыйдылар, кыталыктар дайдылар, эрэкэ-дьэрэкэ о5олор үҥкүүлээтилэр, алгыс сиэрин- туомун алгысчыт, Бэйдиҥэ кулуубун директора Игнат Слепцов оҥордо, Ыһыах ытык дуо5атын Бэрт-Ууһун олохтоо5о, сылгыһыт Дмитрий Окоемов атынан көтүтэн киирэн а5а баһылыкка Ю.Н.Колодезниковка туттарда, баһылык Ытык дуо5аны анал сэргэ5э аста, ол кэннэ фольклорнай дьүһүйүүгэ күпсүүр тыаһа дуорайда, тойук дьиэрэйдэ,Егор Ширяев, «Дьһүрүһүй» улахан дьон уонна «Ымыычаан» о5олор бөлөхтөрө хомус дьүрүскэнин иһитиннэрдилэр, «Сайылык Далбардара» бөлөх норуот ырыатын тартылар.Ыһыах үөрүүлээх чааһа буолла. Нэһилиэк баһылыга Юрий Николаевич нэһилиэгин олохтоохторун э5эрдэлээтэ.Үлэһит үтүөтэ дьоммутун чиэстээн, үгүс киһи на5араада ылан үөрүүлэригэр үөрүү эбиллэн, астыннылар. Бэрт-Ууһун эр дьонун ансамбыла, биир дойдулаахпыт Николай Колодезников «Бэрт-Ууһа» ырыатынан э5эрдэлээтилэр. ⚜️Түһүлгэ5э төбүрүөннээн олорон Ыһыах маанылаах сандалытыгар эбиэт кэннэ. «БААТТААХ ТҮГЭН» Р.Н.Бурцевнэһилиэгин дьонугар анаан тэрийбит сүүйүүлээх оонньуутун ыытан, дьон-сэргэ интэриэһин тарта. СУПЕР-ПРИЗ — ТИҤЭҺЭ, УБАҺА уонна ТЫҺАҔАС🐄 уо.да.сыаналаах бириистэр оонньоннулар. Ол кэннэ Түөлбэнэн спортивнай күрэхтэр, араас конкурстар ыытылыннылар. Киэһээ «Сыырдаа5ым Үрүҥ түүнэ» уус-уран самодеятельность активистара уонна биир дойдулаахтарбыт Ольга Колодезникова, Лаврентий Тарскай, Алита Мигалкина, Сандаара Протопопова, кийииттэрбит Алгыстаана Барабанская, Лена Протопопова уо.д.а. кыттыылааах бэртээхэй кэнсиэрт буолла! Алгыс иҥэринэн, күүс — сэниэ ылынан, айылҕалыын алтыһан дуоһуйан кэлбит олохтоохторбут, ыалдьыттарбыт сылаас ытыстарын тыаһынан көҕүлээн күндү көрөөччү, истин истээччи буолан биир дойдулаахтарын ырыаларын, үҥкүүлэрин дуоһуйа көрөн, астынан бардылар. Ол кэннэ «Алыптаах түүн» үҥкүү- битии киэһэтигэр сылдьан, дуоһуйа үҥкүүлээн тар5астылар.