Бүгүӈӈүттэн улуустааҕы бэстибээл саҕаланна.

Арассыыйаҕа норуоттар сомоҕоһууларын, Саха сиригэр култуура, Уус-Алдан улууһугар түмсүү уонна бииргэ үлэлээһин сылларыгар анаммыт улуустааҕы бэстибээл алтынньы 8️⃣ күнүгэр Майаҕас бөһүөлэгэр «КЭХТИБЭТ ТАЛААННАР» 60-нуттан үөһээ саастаах дьоӈӈо буолан ааста. Бүгүн бастакы бэстибээлгэ Танда, Майаҕас, Сыырдаах бөһүөлэктэрэ күөн көрүстүлэр. Бэстибээл үөрүүлээх аһыллыытыгар улуустааҕы бэтэрээннэр сэбиэттэрин бэрэссэдээтэлэ Колодезников И. И. эҕэрдэ тылын уонна ситиһиини баҕаран алгыс тылын анаата. Дьүүллүүр сүбэҕэ бэрэссэдээтэлинэн улуустааҕы култуура управлениетын кылаабынай специалиһа Лугинова А. Е., чилиэннэринэн: «Тойон Мүрү» култуура дыбарыаһын специалиһа Варламова В. Р., «Олоӈхо дьиэтэ» этнокултуурунай киин специалиһа Алексеева М. К. үлэлээтилэр. Бэрт-Ууһун нэһилиэгиттэн уопсайа 21 киһи кытынна. Бу бэстибээлгэ Лауреат үрдүк аатын ыллылар «Сайылык Далбардара» ансаамбыл, салайааччы Кондратий Герасимов, «Иэйии» вокальнай квартет, салайааччы Эрхаан Слепцов, Дипломан «Дойдууна» үӈкүү бөлөҕө, салайааччы Айыына Зырянова, хоһоон ааҕыыга Дипломан аатын ылла Максим Максимович Портнягин. 👏🏻👏🏻👍🏻Бары кыттыбыт дьоммутугар «Сайылык Далбардара», «Иэйии» вокальнай ансаамбылларга, «Дойдууна» үӈкүү, «Артыыстар» көр-күлүү бөлөхтөрүгэр, биирдиилээн дьоммутугар: Максим Максимович Портнягиӈӈа, Гаврил Черкашинӈа, Матрена Ивановаҕа, Василий Андросовка, Егор Ширяевка уонна суоппардарбытыгар Портнягин М. М., Неустроев И. Г., Ильин И. П., Явловскай В. Дм., Ширяев Е. В. өрүүтүн маннык биһиги үлэбитигэр көх-нэм буолан сылдьаргытыгар Барҕа Махталбытын тиэрдэбит. Барыгытыгар өссө да үрдүк ситиһиилэри, доруобуйаны, этэӈӈэ буолууну!🙌🏻✊🏻