Бэрт-Ууһун нэһилиэгэр аҕам саастаахтарга аналлаах тэрээһин кэрэ көстүүлээх «Кыыс Хаӈа» сайылыкка буолла

Аан дойду үрдүнэн алтынньы бастакы күнүттэн аҕам саастаахтар декадаларын күннэрэ бигэргэтиллибитэ. Кырдьаҕастар Аан дойдутааҕы күннэрэ ытыктабыл уонна үгэс эрэ быһыытынан буолбакка, аҕа көлүөнэ дьонугар күннэтэ ахсаабат болҕомто, истиӈ кыһамньы уурарбытын санатар ытык күн буолар.
Бэрт-Ууһун нэһилиэгэр аҕам саастаахтар күннэрин «Ис-сүрэхтэн иһирэх санаа» бырааһынньыктааҕы тэрээһин алтынньы 2️⃣ күнүгэр «Кыыс Хаӈа» сайылыгар буолан ааста.
Аҕам саастаахтарбытыгар эйэҕэс эҕэрдэлэр, истиӈ- иһирэх тыллар этилиннилэр. Бастатан туран Бэрт-Ууһун нэһилиэгин солбуйар баһылыга Явловскай В. Дм. аҕам саастаахтарга истиӈ-иһирэх эҕэрдэ тылын тиэртэ, кырдьаҕастар сэбиэттэрин председателэ Портнягин Максим Максимович уонна да элбэх иһирэх тыллар этилиннилэр, Өлтөх, Арыылаах нэһилиэгиттэн сылдьар ыалдьыттарбыт эҕэрдэлэрин, Махталларын эттилэр. Бу күн көрү- нары көҕүлүттэн туттулар, араас куонкурустар буолан бары бириистээх, өттүк-харалаах үөрэн-көтөн тарҕастылар. Ол курдук «хорнхолл» оонньууга муӈутуур кыайыылаахтарынан буоллулар Матрена Иванова, Александра Портнягина, Мария Оконешникова, 👏🏻👏🏻👍🏻Ол кэннэ рогатканан ытыы күрэҕэр кыайыылаахтар: Розалия Пегова, биһиги биир дойдулаахпыт, ыалдьыппыт Дмитрий Стручков, Матрена Тарская буоллулар.👏🏻👏🏻👍🏻 Ылбаҕай ырыалар ылланнылар, оһуохайдаан, үӈкүүлээн тэйдилэр, хомус тыаһын кэрэ абылаӈар уйдаран иһийэн иһиттилэр.👏🏻👏🏻👍🏻
Төгүрүк остуол тула аһаан, ирэ-хоро кэпсэттилэр.
Ытык-мааны дьоммутугар чиргэл доруобуйаны, чэгиэн туругу, дьолунан толору уйгулаах олоҕу, оҕолоргут, сиэннэргит, дьиэ-кэргэӈӈит тапталлара, истиӈ иэйиилэрэ араӈаччылыы сырыттыннар диэн алгыс тылбытын аныыбыт! Аҕам саастаахтарбытыгар көмүс хатырыктааҕынан күндүлээбит Василий Копыриӈӈа, балык буһаран ыыппыт «Чуораанчык» уһуйаан коллективыгар, сэб. Ширяева О. Г., күһүӈӈү сөрүүн күӈӈэ оллоон оттон итии чэйинэн күндүлээбит Василий Явловскайга, суоппардарбытыгар Иван Даниловка, Иван Черноградскайга Барҕа Махталбытын тиэрдэбит. Барыгытыгар доруобуйаны, этэӈӈэ буолууну.

А. П. Иванов аатынан норуот айымньытын киинэ