Бүгүн Бэрт-Ууһун нэһилиэгэр сэрии, тыыл, үлэ бэтэрээннэригэр, сэрии сылын оҕолоругар аналлаах саӈа кинигэ сүрэхтэннэ.

🌞🍁🌞🍂🍁
Бүгүн, алтынньы 10 күнүгэр
Бэрт-Ууһун нэһилиэгин Улуу Кыайыы иһин охсуһуу хонуутугар охтубут, Кыайыы кынаттанан дойдуларыгар эргиллэн кэлбит, сэрии кэмигэр төрөөбүт оҕолорго, тыылга хаалбыт күүстээх үлэни үлэлээбит тыыл, үлэ бэтэрээннэригэр аналлаах «БЭРТ-УУСТАРА АҔА ДОЙДУ УЛУУ СЭРИИТИГЭР» саӈа кинигэ сүрэхтэниитин үөрүүлээх тэрээһинэ буолла.👍🏻👏🏻
Үөрүүлээх тэрээһиӈӈэ «Эйэҕэс Эбээлэр» түмсүү кэлбит дьону сахалыы арыылаах алаадьынан, быыппаҕынан күндүлээтилэр.
Үөрүүлээх чааска «Ким да умнуллубат, туох да умнуллубат» быыстапка туран нэһилиэк дьоно-сэргэтэ, ыалдьыттара сэргээн көрдүлэр. Быыстапканы олохтоох библиотекарь Парникова П. Е. туруорда. Саӈа кинигэни «Эйэҕэс Эбээлэр» түмсүү күүһүнэн күн сирин көрдө, салайааччы Неустроева Альбина Львовнаҕа, күүс- көмө буолбут Диана Ивановна Неустроеваҕа Барҕа Махталбытын тиэрдэбит. Неустроева А. Ль. саӈа кинигэни ырытан дьоӈӈо билиһиннэрэн нэһилиэк дьоно сэргээн иһиттилэр.
Саӈа кинигэҕэ спосордар, биир дойдулаахтарбыт: ООО «Главстроймонтаж» директор Бочкарев Иннокентий Прокопьевич, ИП Колодезников Юрий Николаевич, ООО «Арсылан» генеральнай директора Олесов Владислав Максимович, ИП Попов Дмитрий Дмитриевич, ИП Портнягин Виктор Васильевич, ИП Соловьев Алексей Александрович, ИП Черкашин Николай Гаврильевич, «Бэрт-Ууһун нэһилиэгэ» тыа сирин түөлбэтин дьаһалтатын үбүлээһиннэринэн таҕыста.
Кинигэ сүрэхтэниитин үөрүүлээх чааһыгар нэһилиэк дьаһалтатын баһылыга Ильин И. П. эҕэрдэ тылын этэн туран ытык дьоммутугар, 80 саастаахтарыттан үөһээ дьоммутугар эҕэрдэ суругунан уонна саӈа кинигэ бэлэхтээтэ. Эҕэрдэ, махтал тылын Бэрт-Ууһун нэһилиэгин аҕам саастаахтар сэбиэттэрин председателэ Максим Махсимович Портнягин анаата.
Тэрээһиммитигэр «Сайылык Далбардара» фольклорнай ансаамбыл, эдэр ыччаттар үӈкүү бөлөҕө, Мария Портнягина, Эрхаан Слепцов, кэлэр кэнчээри ыччаттарбыт хоһоон ааҕыылара, үӈкүүлэрэ музыкальнай эҕэрдэлэрин тиэртилэр. Кинигэ сүрэхтэниитин үөрүүлээх тэрээһинин иилээн-саҕалаан ыытта Пелагея Парникова.
Биһиги эйэлээх олохпутун түстээбит, бэйэлэрин эдэр саастарын толук уурбут бэтэрээннэрбитигэр, кыргыһыы хонуутуттан эргиллэн кэлбит буойуттарбытыгар, түүннэри-күнүстэри Кыайыы иһин турууласпыт тыыл бэтэрээннэрин туһунан кинигэ сүрэхтэммитинэн, спонсордарбытыгар биир дойдулаах уолаттарбытынар, «Эйэҕэс Эбээлэр» түмсүүгэ уонна бары көмөлөспүт, кыттыбыт нэһилиэкпит дьонугар-сэргэтигэр Махталбытын тиэрдэбит.