Бэрт- Ууһун нэһилиэгэр Ырыа уонна Ньукуолун күнүн көрсүү тэрээһин буолла.

🌿🌞🌿🌞🌿
🌞🌿🌞🌿🌞

Бүгүн, ыам ыйын 2️⃣1️⃣ күнүгэр Бэрт- Ууһун нэһилиэгин 50 саастарыттан үөһээ дьоммутун, ырыа куттаах ансаамбылларбытын «ЫРЫА- ОЛОХ АРГЫҺА» ырыа күнүн көрсө уонна «САМААН САЙЫН БАРАХСАН» сайыны көрсүү бырааһынньыктааҕы тэрээһиннэр бэрт сэргэхтик буолан ааста. Ол курдук » Балыктаах» сайылыгар мустан үөрэн- көтөн, ыллаан- туойан, итии чэйдээх остуол тула муһуннубут. Үөрүүлээх тэрээһин аһыллыыта буолла. Эҕэрдэ тылы нэһилиэк дьаһалтатын уонна бэйэтин аатыттан соц үлэһит Иванова Варвара Михайловна истиӈ- иһирэх тыллары эттэ. Ол кэннэ кырдьаҕастар сэбиэттэрин председателэ, » Көмүөл» түмсүү салайааччыта Портнягин Максим Максимович аҕам саастаахтарыгар ырыа күнүнэн, күөх чээлэй сайыммыт кэлбитинэн эҕэрдэлээтэ. Музыкальнай эҕэрдэлэрин эдэр специалистар Кондратий Герасимов, Эр хаан Слепцов дохсун ытыс тыаһынан дуэт толордулар👏🏻👏🏻👏🏻🎼 сцена ветераннара: Иванова Варвара Ивановна, Охлопкова Анна Николаевна, Портнягина Александра Андреевна, Оконешникова Мария Петровна чуор куоластарынан киэргэтэн биэрдилэр, күргүөмүнэн ырыа ылланна, биирдиилээн ыллааһыӈӈа сэргэхтэн сэргэх ырыа иһилиннэ👍🏻🎼🎤🎤имигэс хамсаныылаах үӈкүүтүнэн Мария Кондратьева эҕэрдэтин тиэртэ.
Онтон көрдөөх күрэхтэр биир биир буолан күлэн, үөрэн, үӈкүүлээн, көрү- нары көҕүлүттэн туттулар. Тэрээһини иилээн- саҕалаан ыытта Василий Черкашин.
Бары кэлбит аҕам саастаахтарбыт сибиэһэй салгыӈӈа сылдьан, итии чэйдээх остуол тула ирэ- хоро кэпсэттилэр. Бүтэһигэр оһуохайдаан сайыммытын көрүстүбүт, Уруй! Айхал этилиннэ. Кэлбит дьон бары бириистээх, илии тутуурдаах, өттүк харалаах үөрэн- көтөн тарҕастылар. Ону тэӈэ нэһилиэк дьаһалтата сибиэһэй балыгынан күндүлээн, балыктаабат дьонноох дьоммутугар түӈэтилиннэ. Бүгүӈӈү тэрээһиӈӈэ кэлбит дьоммутугар, суоппардарбытыгар Данилов Иван Петровичка, Копырин Павел Михайловичка Махталбытын тиэрдэбит🙌🏻✊🏻
Сыллата олохтоох дьаһалта уонна нэһилиэк эр дьонун көҕүлээһининэн, Ньукуолун күнү көрсө Бэрт-Ууһун нэһилиэгин булчуттара кырдьаҕастарга уонна соҕотох олорор дьоҥҥо кус хомуйан түҥэтэр үтүө үгэстэрин быйыл эмиэ салҕаатылар. Ол курдук, нэһилиэк 27 байанайдаах булчута уопсайа 62 куһу хомуйда:
Семен Васильевич Румянцев, Иван Григорьевич Неустроев, Василий Иванович Копырин, ⁠Гаврил Михайлович Охлопков, ⁠Юрий Николаевич Колодезников, Александр Петрович Аммосов, ⁠Семен Семенович Сенин, Александр Афанасьевич Шепелев, Иван Иванович Ефимов, Василий Петрович Черкашин, Мичил Петрович Черкашин, Иннокентий Владимирович Иванов, ⁠Василий Иванович Петухов, Геннадий Германович Бурцев, Андрей Егорович Портнягин, ⁠Василий Васильевич Петров, Николай Михайлович Иванов, ⁠Валентин Семенович Колодезников, ⁠Лаврентий Петрович Тарскай, Андрей Васильевич Андросов, Василий Дмитриевич Явловскай, ⁠Николай Гаврильевич Черкашин, ⁠Василий Васильевич Копырин, ⁠Илья Прокопьевич Ильин, Михаил Михайлович Копырин, Афанасий Михайлович Копырин, Анатолий Михайлович Копырин, Павел Михайлович Копырин, Павел Павлович Иванов.
Булт аһын барытын ааҕан-суоттаан, нэһилиэк баһылыгын солбуйааччыта Василий Дмитриевич уонна социальнай үлэһит Варвара Михайловна 36 ыалга түҥэттилэр.
Бу үтүө бачыымы сыллата өйүүр, үгэскэ кубулуппут булчут уолаттарбытыгар Барҕа Махталбытын тиэрдэбит. Эһиэхэ куруук Байанайдаах, чэгиэн-чэбдик, этэҥҥэ буоларгытыгар баҕарабыт!
Бу курдук бары бииргэ, биир сомоҕо буолуоҕун! Саамал самаан сайыммыт, күөх чээлэйинэн киэргэйэн, дьэрэкээн сибэккинэн симэнэн, уйгу- быйаӈ буолуохтун!

Иванов А. П. аатынан норуот айымньытын киинэ