Бэрт- Ууһун нэһилиэгэр Улуу Кыайыы 81 сылын көрсө тэрээһин үрдүк таһымӈа ааста

🚩🚩🚩🚩🚩
🚩🚩🚩🚩🚩
Аҕа Дойду сэриитигэр Бэрт- Ууһун нэһилиэгиттэн 129 эдэркээн уолаттар сэрии толоонугар барбыттара. Тыылга хаалбыт оҕонньоттор, дьахталлар, оҕолор барыта Кыайыы туһугар күүстэрин харыстаабакка үлэлээбиттэрэ. Сэрии толоонуттан 51 саллаат төрөөбүт алааһыгар эргиллэн кэлбиттэрэ, кинилэр нэһилиэк олоҕо тупсарын туһугар туруулаһан үлэлээбиттэрэ, хомойуох иһин 78 саллаат дойдуларыгар эргиллибэтэхтэрэ. Бүгүн ыам ыйын 9️⃣ күнүгэр Бэрт- Ууһун нэһилиэгэр
УЛУУ КЫАЙЫЫ 8️⃣1️⃣ сылынан
Кыайыы өрөгөйдөөх күнүн көрсөр тэрээһинэ үөрүүлээх быһыыга- майгыга буолан ааста.
«ШЕСТВИЕ БЕССМЕРТНЫЙ ПОЛК» Бэрт- Ууһун дьоно- сэргэтэ, кэлэр кэнчээри ыччаттарбыт күргүөмүнэн нэһилиэк устун хааман Кыайыы болуоссатыгар кэлэн Кыайыы 8️⃣1️⃣ сылынан үөрүүлээх миитиӈӈэ кэллилэр. Истиӈ иһирэх эҕэрдэлэр этилиннилэр: бастатан туран нэһилиэк баһылыга Ильин И. П. сэрии сылын оҕолорун, тыыл, үлэ ветераннарын эҕэрдэлээтэ уонна кырдьаҕастар советтарын председателя, «Көмүөл» түмсүү салайааччыта Портнягин М. М. эҕэрдэ тылы эттэ. Музыкальнай эҕэрдэлэрин ылбаҕай ырыаларынан Кондратий Герасимов, Андрей Васильев, Эрхаан Слепцов, Иннокентий Барабанскай, Долун Иванов, «Иэйии», кыргыттар ансаамбыллара, «Дьүһүй» уолаттар ансаамбыллара салайааччы Эрхаан Слепцов, «Военнай вальс» имигэс үӈкүүнү эдэр ыччаттар үӈкүүлээтилэр салайааччы Мария Кондратьева, И. С. Портнягин аатынан Сыырдаах орто оскуолатын үөрэнээччилэрэ ырыа ыллаан дьиэрэттилэр, үӈкүүлээн тэйдилэр, «Үнүгэс» куруһуок оҕолоро хоһоон аахтылар, бүтэһигэр Кыайыы Оһуохайынан түмүктэннэ, оһуохайы таһаарда Кондратий Герасимов. Бырааһынньыгы үөрүүлээх быһыыга- майгыга иилээн- саҕалаан ыыттылар: Пелагея Парникова, Варвара Иванова.
И. С. Портнягин аатынан Сыырдаах орто оскуолатын коллектива хара килиэп, чэй, гречкэ хааһы буһаран «Полевая кухня» тэрийэн кырдьаҕастары, кэлбит дьону аһаттылар. Ол кэннэ үгэскэ кубулуйбут «Амарах» түмсүү, нэһилиэк баһылыга Ильин И. П., соцүлэһит Иванова В. М., суоппар Копырин П. М. сэрии сылын оҕолоругар, аҕам саастаахтарбытыгар: Аграфена Алексеевна, Константин Константинович Слепцовтарга, Мария Ильинична Шепелеваҕа дьиэнэн сылдьан эҕэрдэлээн, ыллаан- туойан, подарок туттардыбыт. Аҕам саастаах дьоммутугар ыалдьыттаан Улуу Кыайыы 8️⃣1️⃣ сылын көрсө үөрүүлэрин тэӈӈэ үллэһиннибит.
Киэһээтин олоххо буолбут анал байыаннай дьайыыга сылдьыбыт Глеб Калюжный туһунан саӈа тахсыбыт «МАЛЫШ» киинэ буолла

А. П. Иванов аатынан норуот айымньытын киинэ.