Улуу Кыайыы 8️⃣0️⃣ сылын чэрчитинэн Бэрт- Ууһун нэһилиэгэр кэккэ тэрээһиннэр тэрилиннилэр.
Ол курдук:
Муус устар 28 күнүгэр Аҕа дойду Улуу сэриитин кыттыылааҕа » Аҕа дойду сэриитин» II -с степеннээх орден кавалера » Германияны Кыайыы иһин», «Японияны Кыайыы иһин», » 1941-1945сс Аҕа дойду сэриитигэр килбиэннээх үлэтин иһин» юбилейнай мэтээллэрдээх, СӨ Үтүөлээх бэтэрээнэ, Бэрт -Ууһун, Тылгыны нэһилиэктэрин уонна Бүлүү улууһун » Бочуоттаах олохтооҕо Н. В. Иванов кэргэнинээн Саха АССР култууратын үлэһиттэрин съеһин делегата, «В. И. Ленин 100 сылыгар юбилейнай мэтээллээх , 1954 сылтан култуураҕа үлэлээбит, Бүлүү улууһун Тылгыны нэһилиэгин
«Бочуоттаах олохтооҕо» биир дойдулаахпыт М. Н. Корякина оҕолорунаан олорон ааспыт тэлгэһэлэригэр үйэтитэн , кэнчээри ыччакка өйдүү сылдьалларыгар өйдөбүнньүк бэлиэ( мемориальнай дуоска ) туруорулунна.
Өйдөбүнньүк бэлиэ үөрүүлээх аһыллыытыгар
Бэрт- Ууһун нэһилиэгин Аҕа баһылыга И. П. Ильин, нэһилиэк кырдьаҕастарын Сэбиэтин салайааччыта М. М. Портнягин уонна сэрии бэтэрээнэ Н. В. Иванов төрөппүт кыыһа СӨ култууратын үтүөлээх үлэһитэ, СӨ култууратын туйгуна , Уус Алдан улууһун , Мүрү , Бэрт-Ууһун, Өспөх нэһилиэктэрин «Бочуоттаах олохтооҕо» В. Н. Окоемова эҕэрдэ тыл эттилэр. Эйэлээх, көҥүл олоҕу олохтоспут бэтэрээммитигэр Э. Слепцов ылбаҕай ырыатынан эҕэрдэлээтэ.
Муус устар 29 күнэ.
Бороҕон бөһүөлэгэр «Майаҕатта Бэрт Хара» стадионугар Уус -Алдан улууһун үҥкүүһүттэрин ассоциациятын көҕүлээһининэн «Синий платочек» байыаннай үҥкүүгэ А. П. Иванов аатынан норуот айымньытын киинин иһинэн үлэлиир » Эдэр саас» үҥкүү бөлөҕө сал. М. М. Кондратьева улууска киирэн элбэх бөлөҕү кытта тэҥинэн хаисаныылаах үҥкүүгэ кыттан кэллилэр. Үҥкүүгэ кыттыбыт нэһилиэкпит ыччаттарыгар барҕа махталбытын тиэрдэбит.
Ыам ыйын 5 күнүгэр
А. П. Иванов аатынан норуот айымньытын киинигэр
Улуу Кыайыыны уһансыбыт Аҕа дойду сэриитин кыттыылаахтарыгар, тыылга килбиэннээхтик үлэлээбит биир дойдулаахтарбытыгар анаан » Ким да умнуллубат, туох да умнуллубат» быыстапка арылынна.
Ыам ыйын 6 күнүгэр.
Нэһилиэк Аҕам саастаах дьонугар «Кэл, олор сэһэргэһиэх» итии чэйдээх остуол тула ирэ- хоро кэпсэтэн, ырыа-тойук, оонньуу тэрилиннэ.
Ыам ыйын 7 күнэ.
Аҕа дойду сэриитин бэтэрээнэ «Германияны Кыайыы иһин » мэтээллээх П. И. Колодезников кэргэнинээн тыыл үлэ бэтэрээнэ Н.Д. Крыловалыын, оҕолорунаан олорон ааспыт тэлгэһэлэригэр өйдөбүнньүк бэлиэ туруорулунна.
Бу бэлиэ күҥҥэ Нэһилиэк баһылыга И. П. Ильин , кырдьаҕастар сэбиэттэрин салайааччыта М. М. Портнягин уонна П.И.Колодезников төрөппүт оҕолоро, сиэннэрэ, аймахтара ахтан санаан, эҕэрдэ тылларын эттилэр.
» Эйэҕэс эбээлэр» түмсүү, сал. Неустроева А. Лв. Кыайыы 80 сылынан 80 устуука сибэкки үүннэрэн олоттулар. Ону таһынан бэйэлэрин баҕа өттүнэн субуотунньукка кыттан краска соттулар уонна араас тэрээһиннэргэ актыыбынайдык кытталлар.
Бу ыытыллыбыт тэрээһиннэргэ,
өйдөбүнньүк бэлиэ аһыллыыларыгар бэтэрээннэрбитин чиэстээн кэлбит нэһилиэкпит олохтоохторугар тэрийээччилэр ааттарыттан махталбытын тиэрдэбит.
Олохтоох библиотека зав. Парникова П. Е.
А. П. Иванов аатынан норуот айымньытын киинин коллектива дир. Бурцева Л. Л.
