Муус устар 25 күнүгэр А. П. Иванов аатынан норуот айымньытын киинигэр
Саха Өрөспүүбүлүкэтин күнүн бэлиэтиир тэрээһин олохтоох библиотекаҕа
» Бэйэбит геройдарбыт», Бэрт — Ууһун нэһилиэгин Аҕа дойду сэриитин бэтэрээннэрин, сэрии кэмигэр тыылга Кыайыыны уһансыбыттар , кырыктаах сэриигэ оҕолорун атаарбыт ийэлэр, Уус — Алдан улууһун гражданскай , Аҕа дойду сэриитин, үлэ , анал Байыаннай дьайыы 9-с дьоруойун уонна локальнай сэрии кыттыылаахтарын быыстапката туруорулунна .
» Чуораанчык » уһуйаан улахан бөлөх оҕолоро көрөн — истэн билиилэрин хаҥаттылар.
Бырааһынньыктааҕы тэрээһиммит Өрөспүүбүлүкэ Өрөгөйүн ырыатынан саҕаланна. Оҕолорго уонна улахан дьоҥҥо Саха омугун төрүт оонньууларыгар күөн көрсөн кыайыылаахтар илии тутуурдаах, өттүк харалаах тарҕастылар.
Эбиэттэн киэһээ олохтоох библиотекаҕа
» Айымньылар, киинэлэр, дьоруойдар» викторинаҕа бэйэлэрин билиилэрин тургутан ыллылар. Кыттааччыларга барыларыгар өйдөбүнньүк бэлэхтэр туттарылыннылар.
«Айымньылар, киинэлэр, геройдар» диэн улахан дьоҥҥо викторина, 5-6 кылаас үөрэнээччилэригэр «Свои герои» библиотечнай уруок, ону таһынан анал байыаннай дьайыы кыттыылаахтарыгар көмө таҥас тигиллэн о5олор суруктарын кытта туттарыллыаҕа.
«Свои герои» темаҕа аналлаах тэрээһини 6 кылаас үөрэнээччилэрэ кылаас салайааччыта Неустроева Д.И. «Сэрии суох буоллун» хоһоонунан түмүктээтилэр.
Мустубут дьон бырааһынньыктааҕы Оһуохайга кыттыһан этэн — тыынан Оһуохайдаан эргийдилэр.
Уонна түмүккэ Саха сирин киинэ индустриятын биир чаҕылхай үлэтинэн » Диодорова. Против течения» киинэнэн түмүктэннэ.
А. П. Иванов аатынан норуот айымньытын киинин коллективын уонна олохтоох библиотека үлэһиттэрин аатыттан Өрөспүүбүлүкэбит күнүн бэлиэтиир тэрээһиммитигэр кыттыбыт
» Чуораанчык » уһуйаан иитиллээччилэригэр, иитээччилэригэр , төрөппүттэригэр уонна нэһилиэкпит олохтоохторугар Махталбытын тиэрдэбит.
Уонна өссө төгүл бука барыгытыгар Өрөспүүбүлүкэ күнүнэн итии -истиҥ эҕэрдэ!.
