29-с төгүлүн ыытыллыбыт «СААСКЫЛААНА 2026» улуус 10 кылаас кыргыттарыгар аналлаах куонкурус ситиһиилээхтик буолан ааста.

🌞💐🌞🌹🌞
🌹🌞💐🌞🌹
Бэрт- Ууһун нэһилиэгэр үгэскэ кубулуйбут сылын аайы ыытыллар, улуус 10- с кылааһын кыргыттарыгар аналлаах
2️⃣9️⃣ төгүлүн ыытыллар
СААСКЫЛААНА -2026🌹куонкурус
муус устар
9️⃣ күнүгэр буолан ааста.
Саха кыыһа үтүөҕэ-кэрэҕэ тардыһыытын, үтүө- мааны майгытын, нарын- намчы көрүӈнэрин, билиилэрин- көрүүлэрин, талааннарын көрдөрдүлэр 👏🏻🙌🏻 Кыргыттар бары оӈостон кэлэн, өссө кэрэ буолан көһүннүлэр, дьону кэрэхсэттилэр. Бастакы түһүмэххэ бэйэни билиһиннэрии, бэрт тупсаҕайдык туттан кэрэ Куоларбыт сибэккилии симэнэн үрдүк сценаҕа хаамтылар. Онтон имигэс, түргэн хамсаныылаах аэробиканы үӈкүүлээн көрдөрдүлэр. Бииртэн биир имигэс хамсаныылаах үӈкүүлэри, ылбаҕай ырыалары иһиттибит. Бүтэһик түһүмэххэ киэһээӈӈи былааччыйаны кэтэн наскылдьыйа хаамтылар, дьон кутун туттулар.
Дьүүллүүр сүбэнэн үлэлээтилэр: председатель СӨ култууратын туйгуна, култуура ветерана Неустроева Анна Николаевна, СӨ култууратын туйгуна, 40- тэн тахса сыл култуураҕа үлэлээбит, Бэрт- Ууһун нэһилиэгин Бочуоттаах олохтооҕо Портнягина Александра Андреевна уонна СӨ култууратын туйгуна, Өлтөх нэһилиэгин Бочуоттаах олохтооҕо Саввина Александра Афанасьевна.
Куонкуруспут бүтэн, саамай долгутулаах чааһа кэллэ. Ол курдук,
«Сааскылаана- 2026» куонкуруска
КИЭҺЭЭӇӇИ САНАА номинацияны Мичийээнэ Румянцева / Чаран/,
ТАЛБА ТАЛААН Милена Гоголева / Майаҕас/,
УРАН ТЫЛ Сардаана Олесова / Сыырдаах/,
БАСТЫӇ МОДЕЛЬ Любовь Петрова / Майаҕас/,
СИР СИМЭҔЭ Галина Бубякина
КЭСКИЛЭЭНЭ анал ааты ылла Сардаана Олесова / Сыырдаах/,
ТЫӇААНЫ КУО ылары ситистэ Любовь Петрова / Майаҕас/
СААСКЫЛААНА-2026 кыайыылааҕа Галина Бубякина / Мүрү 1 оскуолата/. Коронаны кэтэттэ 2025 сыллаах кыайыылааҕа Анджелика Гоголева.
Куонкуруспутугар өрүүтүн күүс- көмө буолар спонсордарбытыгар Барҕа Махталбытын тиэрдэбит: Бэрт- Ууһун нэһилиэгин дьаһалтата, баһылык Ильин Илья Прокопьевич,
И. С. Портнягин аатынан Сыырдаах орто оскуолата, директор Петрова Марианна Михайловна, «Чуораанчык» оҕо уһуйаана, сэбиэдиссэй Иванова Маргарита Спиридоновна, ДьУОКХ Сыырдаахтааҕы учаастак салайааччыта Черкашин Олег Гаврильевич, » Уйгу» маҕаһыын урбаанньыт Бурцева Сардаана Васильевна уонна А. П. Иванов аатынан Бэрт- Ууһун норуот айымньытын киинэ, директор Бурцева Лилия Лазаревна.
Дьүүллүүр сүбэҕэ: Портнягина А. А., Саввина А. А., Неустроева А. Н., куонкуруспутун иилээн- саҕалаан ыыппыт, киэргэппит Вика Явловскаяҕа, Артем Местниковка, куонкуруска кыттыбыт кыргыттарбытыгар, тэрийэн аҕалбыт төрөппүттэргэ, салайааччыларга, минньигэс, сылаас аһынан аһыппыт Парасковья Ивановна, Андрей Васильевич Андросовтарга, статист Кирилл Терентьевка итии- истиӈ Махталбытын тиэрдэбит!
Кулууп саалатын иһэ толору дьонунан туолан, куонкурсааннарбытыгар дохсун ытыс тыаһын бэлэхтээтилэр. Плакаттаах оҕолор үөрэ- көтө кэрэчээн Куоларга ситиһиини, кыайыыны түстээтилэр.

А. П. Иванов аатынан норуот айымньытын киинэ