Уус-Алдан улууһугар бастакынан «*ЗЕМСКЭЙ КУЛТУУРА ҮЛЭҺИТЭ*» федеральнай программанан Бэрт-Ууһун нэһилиэгэр саӈа специалист үлэтин саҕалаата

Быйыл Саха сиригэр култуура сылынан, Уус-Алдан улууһугар бастакынан «ЗЕМСКЭЙ КУЛТУУРА ҮЛЭҺИТЭ» федеральнай программанан саӈа специалист, Дьокуускайдааҕы А. Д. Макарова аатынан култуура уонна ускуустуба колледжын быйыл бүтэрбит, хореограф идэлээх, Нам улууһуттан төрүттээх Зырянова Айыына Григорьевна Сыырдаах бөһүөлэгэр ананан үлэлии кэллэ.👏🏻👏🏻👏🏻👍🏻👍🏻
Эдэр специалист оскуола саастаах уонна улахан дьону үӈкүү кэрэ абылаӈар үөрэтиэ-такайыа, имигэс, сэргэх, тэтимнээх үӈкүүлэри үөрэтэн үрдүк сценаҕа көрдөрүө диэн эрэнэбит.👍🏻💃🏻🕺🏻💃🏻🕺🏻
Саӈа үлэлии кэлбит, хореограф Айыына Григорьевнаҕа Бэрт-Ууһун нэһилиэгин баһылыга Ильин И. П. эҕэрдэ тылын уонна үлэтигэр үрдүк ситиһиилэри баҕаран туран тыл эттэ уонна бэрт өр күүппүт эдэр специалиһы А. П. Иванов аатынан норуот айымньытын киинин коллектива үөрэ-көтө, долгуйан туран көрсөн киниэхэ инники үлэтигэр ситиһиилэри, үӈкүү кэрэ эйгэтигэр үрдүк чыпчааллары, туохтан да толлубакка иннин диэки баран ис диэн алгыс тылларын анаатылар.

А. П. Иванов аатынан норуот айымньытын киинин коллектива