Бэрт-Ууһун нэһилиэгэр Саха Өрөспүүбүлүкэтин судаарыстыбаннаһын күнэ буолан ааста.

Бэрт-Ууһун нэһилиэгэр
Саха Өрөспүүбүлүкэтин судаарыстыбаннас күнүнэн бырааһынньыктааҕы үөрүүлээх тэрээһин балаҕан ыйын 2️⃣8️⃣ күнүгэр И. С. Портнягин аатынан Сыырдаах орто оскуолатыгар буолан ааста 👏🏻👍🏻
Саха Өрөспүүбүлүкэтин судаарыстыбатын күнүнэн нэһилиэк баһылыгын солбуйааччыта Явловскай В. Дм. уонна И. С. Портнягин аатынан Сыырдаах орто оскуолатын үөрэх кыһатын, үүнэр көлүөнэтин иитэр- үөрэтэр директоры солбуйааччы Данилова А. Н. эҕэрдэлэрин эттилэр, бу курдук түмсүүлээх буолуоҕун диэн алгыс тылларын анаатылар. Үтүө өрөгөй күӈӈэ, үөрүүлээх тэрээһиӈӈэ нэһилиэк дьоно-сэргэтэ, кэлэр кэнчээри ыччаттарбыт биир санаанан салайтаран
«БАРЫ БИИРГЭ, ТҮМСЭН ИЛИИ ИЛИИТТЭН ЫЛСАН ОҺУОХАЙГА КИИРИЭХ» күргүөмүнэн оһуохайдаан тэйдилэр, үтүө күнү өссө киэргэттилэр. Оһуохайы А. П. Иванов аатынан норуот айымньытын киинин эдэр кэскиллээх специалиһа Кондратий Герасимов таһаарда👏🏻👏🏻👍🏻
Бары кэлбит нэһилиэк олохтоохторугар, ыалдьыттарыгар, биир дойдулаахтарбытыгар, кэлэр кэнчээри ыччаттарбытыгар Барҕа Махталбытын тиэрдэбит. Куруутун бу курдук түмсүүлээх, бары бииргэ биир сомоҕо буолуоҕуӈ!🙌🏻✊🏻