Бэрт- Ууһун нэһилиэгэр тимир ууһа Бурцев Герман Гаврильевичка- Кэрэмэн Уус аналлаах мемориальнай доска аһыллыыта

Бүгүн, ахсынньы 5 күнүгэр Бэрт- Ууһун нэһилиэгэр
Тимир ууһа, норуот маастара, » Удьуор утум» анал аат хаһаайына, Бэрт- Ууһун нэһилиэгин уонна Уус- Алдан улууһун Бочуоттаах олохтооҕо, «Уус- Алдан улууһун социальнай экономическай сайдыытыгар кылаатын иһин», » Норуот уус- уран оҥоһуктарын сайдыытыгар кылаатын иһин» бэлиэ хаһаайына, Саха Өрөспүүбүлүкэтин култууратын туйгуна Бурцев Герман Гаврильевич- Кэрэмэн Уус
8️⃣0️⃣ сылынан уонна Саха сиригэр Хомус, Олоҥхо декадатын чэрчитинэн өйдөбүнньүк бэлиэ, мемориальнай доска үөрүүлээх аһыллыыта буолан ааста.
Үөрүүлээх чааска эҕэрдэ, истиҥ тыллары эттилэр Бэрт- Ууһун баһылыга Илья Прокопьевич Ильин, Уус- Алдан култууратын начальнига Эльза Михайловна Киренская, Аан дойдутааҕы Хомус түмэлин наукаҕа үлэтин сырдатыыга методиһа Ия Павловна Аммосова, Уус- Алдан улууһун Хомус түмсүүтүн салайааччыта Альберт Алексеевич Находкин, Бурцев Герман Гаврильевич- Кэрэмэн Уус уола Герман Германович Бурцев, хомусчут Егор Васильевич Ширяев уонна Бурцев Г. Г. оҥорбут хомуһунан оонньоон дьүрүһүттэ.
Кэлбит ыалдьыттары Бурцев Г. Г. оҕолоро уонна кэргэнэ Бурцева Екатерина Николаевна итии үүттээх чэйдээх, арыылаах алаадьынан, саламаатынан күндүлээтилэр.
Ыраахтан чугастан кэлбит дьон санааларын атастастылар, баҕа санааларын эттилэр.
Сахалыы таҥастаах Далбар Хотуттарга, кэлбит ыалдьыттарга Барҕа Махталбытын тиэрдэбит.

А. П. Иванов аатынан норуот айымньытын киинэ