Бэрт- Ууһун нэһилиэгэр комсомол күнүн, улууска тыа хаһаайыстыбатын сылынан үрдүк таһымнаах тэрээһин буолла

✅Алтынньы ый 29 күнүгэр Бэрт- Ууһун нэһилиэгэр, А. П. Иванов аатынан норуот айымньытын киинигэр Ленинскэй Комсомол 107 сылын, Уус- Алдан улууһугар тыа хаһаайыстыбатын сылын бэлиэтээн урукку Комсомол кэминээҕи ыччат түмсэн бэрт сэргэх тэрээһин буолан ааста.
Бу күн, күн-дьыл да туран биэрдэ. Урукку комсомол кэминээҕи таҥастаах нэһилиэк дьоно Ленин мэтириэтин , кыһыл былаахтаах бөһүөлэк киин уулуссатынан парадтаан «Геройдар сквердэригэр » тиийэн уруйдаатыбыт-айхаллаатыбыт. Онтон кулууп фойетыгар туруоруллубут «Утум» коллекционердар, олохтоох библиотека, кулууп, чааһынай дьон туруорбут быыстапкаларын көрдүбүт, урукку комсомол кэмин санатар фотозонаҕа хаартыскаҕа түстүбүт. Мустубут дьон саалаҕа киирэн комсомол күнүн үрдүк күүрүүлээхтик бэлиэтээтибит. Бырааһынньыгы иилээн- саҕалаан ыытта олохтоох библиотека сэбиэдиссэйэ Парникова П. Е.
Эдэр саастарын санаан совхоз отделениетыгар председателинэн үлэлээбит Данилов В. И., актыыбынай комсомол Олесова В. В. кэлбит дьону эҕэрдэлээтилэр.
Эдэр специалистар: Эрхаан Слепцов, Кондратий Герасимов мустубут дьон ытыстарын тыаһынан доҕуһуоллатан музыкальнай эҕэрдэлэрин тиэртилэр.
Залга мустубут дьон бары күргүөмүнэн комсомол туһунан ырыаны ньиргиттибит.
Онтон тыа хаһаайыстыбатын сылынан урукку үлэлээбит » Үөлэн», Нэмтиэн», » Севернай» фермаларынан, бааһынай, кэтэх хаһаайыстыбалар икки ардыларыгар бэрт сэргэх күрэх буолла: хамаанда 3 киһиттэн састааптаах бастакы түһүмэҕинэн үһүөн быа өрүүтүгэр, урукку кэми санаан сэппэрээтэр ыһыыга, хомуйууга, шар быраҕыыга, боппуруоска эппиэт уонна бүтэһик түһүмэххэ отонноон көрдөрдүлэр. Хамаандалар бары илин- кэлин түсүһэн, бары биир тэҥ эриэ- дэхси түсүһэн олус үчүгэй күрэхтэһиини көрдөрдүлэр.
Ол курдук
I миэстэ — » Чирэпчи» хамаандата
II миэстэ — » Романтика» хамаандата
III миэстэ- » Севернай», » Нэмтиэн» хамаандалара буоллулар.
Тэрээһиҥҥэ кэлбит дьон ирэ- хоро кэпсэтэн, уруккуну санаһан бэрт истиҥ- иһирэх кэпсэтиинэн, астынан, үөрэн дьиэлэригэр тарҕастылар.
Бары кэлбит, көх- нэм буолбут, кыттыбыт дьоммутугар Махталбытын тиэрдэбит. Бу курдук бары бииргэ, түмсүүлээх буолуоххайын!

А. П. Иванов аатынан норуот айымньытын киинин коллектива