Амма улууһугар сэтинньи 22 күнүгэр Илин эҥэрдээҕи хор көрүүтүн конкурса ыытылынна. Амма кулуубугар сахалыы таҥастаах арыылаах алаадьынан, алгыстаах тылынан көрүстүлэр. Ырыа күрэҕин үөрүүлээх аһыллыытыгар конкурска кэлбит дьону алгыстаан- араҥаччылаан барыларыгар ситиһиини, кэлбит дьоҥҥо махталларын тиэртилэр. Онтон Амма улууһун, Болугур нэһилиэгин бочуоттаах олохтооҕор, сцена ветераныгар Новогицын М. А. аналлаах быыстапка көрүүтэ буолла.
Ырыа күрэҕэр народнай уонна самодеятельнай хордар уопсайа 19 коллектив 2-лии ырыаны толордо. Уус-Алдан улууһуттан Найахы народнай хора уонна Бэрт-Ууһун нэһилиэгин самодеятельнай хора кыттыыны ылла. Эдэр специалист, хормейстер Эрхаан Слепцов салайааччылаах Бэрт-Ууһун хора түмүккэ «За верность к хоровому искусству» номинация ылан үөрэн-көтөн кэллилэр.
Найахы народнай хора l степеннээх лауреат үрдүк ааты ылары ситистэ, салайааччы Айталы Новоприезжая. Кыттааччылар таһымнара үрдүгүн бары кэлбит дьон биһирээтилэр, сынньаланна баянынан ырыа, үҥкүү оройуттан тутулунна. Онтон Амма улууһун, Болугур нэһилиэгин бочуоттаах олохтооҕо, сцена ветерана Новогицын М. А. 85 сылынан кинигэ презентацията үөрүүлээх аһыллыыта, ахтыы киэһээтэ буолла. Дьүүллүүр сүбэ Дьокуускай куораттан кэлэн үлэлээтэ. Амма улууһун, Болугур нэһилиэгин бочуоттаах олохтооҕо, сцена ветерана Ноговицын М.А. 85 сылынан ыытыллыбыт хор конкурсугар кыттан кэлбиппитин астынныбыт, элбэх киһини кытары алтыһан, опыт ылан сэргэхсийдибит. Бары хорбут кыттааччыларыгар, суоппардарбытыгар Копырин Павел Михайловичка, Стручков Иван Ивановичка, Аммаҕа олорор биир дойдулаахпытыгар Окорокова Нина Платоновнаҕа истиҥ эҕэрдэбитин, Махталбытын тиэрдэбит. Өссө даҕаны ситиһии кэлэ турдун, ырыа кэрэ абыланар ылларан үрдүккэ дабайан иһин, доруобай буолун.
Для отправки комментария необходимо войти на сайт.