https://bertusclub.ru/wp-admin/options-general.php?highlight=confirm_admin_email
МУНИЦИПАЛЬНОЕ БЮДЖЕТНОЕ УЧРЕЖДЕНИЕ "БЕРТ-УСОВСКИЙ ЦЕНТР ДОСУГА "АЙЫЛГЫ" МУНИЦИПАЛЬНОГО ОБРАЗОВАНИЯ "БЕРТ-УСОВСКИЙ НАСЛЕГ"
Редактор
Все записи автора Редактор
Бүгүн ахсынньы 12 күнүгэр улуустаа5ы инбэлииттэр декадаларын чэрчитинэн «Бар дьоннуун биир тэҥҥэ» Бэрт-Ууһун нэһилиэгин доруобуйаларынан хааччахтаах дьоммутугар аналлаах тэрээһин ыытылынна. Нэһилиэк баһылыгын эбээһинэһин толорооччу В.В.Петров, социальнай харалта үлэһитэ В.М.Иванова э5эрдэ тылын эттилэр, үбүлүөйдээх даталаах Колодезников Егор Егоровичка уонна Портнягин Андрей Павловичка э5эрдэ суруктарын уонна сэмэй бэлэхтэрин ууннулар. (Хомойуох иһин ыҥырыы барбытын үрдүнэн,кэккэ биричиинэнэн кэлэн ылбатылар.) «Айылгы» СК үлэһиттэрэ , З.Д.Петрова салайааччылаах «Сайылык Далбардара» ансаамбыл муз.э5эрдэлэрин тиэртилэр, «Үктэл» түмсүү чилиэнэ Сахаяна Маркова Алмазнай мозайка быыстапкатын туруорда, хомуска сахалыы матыыптары толордо. Олохтоох библиотека сэбиэдиссэйэ М.М.Иванова араас остуол оонньууларынан аралдьытыы оонньуулары оонньотто. Итии чэйдээх остуол тула, кэпсэтии, инники былааннары торумнааһын буолла.
Майа народнай хорун 45 сылыгар аналлаах народнай уонна самодеятельнай хордар көрүүлэрин аьа5ас Республиканскай көрүү күрэ5э,ахсынньы 9 күнүгэр Д.Ходулов аатынан культура киинигэр ыытылынна. А.Неустроева салайааччылаах, Э.Слепцов хормейстердаах Бэрт-Ууһун нэһилиэгин самодеятельнай хора lll -с степеннээх лауреат буолары ситистилэр. Быйыл күһүн саҥа үлэлии кэлбит хормейстер уол ЭРХААН Слепцов «БАСТЫҤ ДЕБЮТ» анал аатынан на5араадаланна!
БЭРТ-УУҺУГАР ЫАЛЫНАН СЫЛДЬАН ОЛОҤХОЛООҺУН ⚜️⚜️⚜️⚜️⚜️⚜️⚜️ Күндү бар дьоммутугар, бука барыгытыгар *ОЛОҤХО күнүнэн* э5эрдэ, соргу-дугуй буолуохтун! Улууспутугар Олоҥхо декадатын чэрчитинэн ,ОЛОҤХО кунун көрсө бэҕэһээ, сэтинньи 24 күнүгэр Бэрт-Ууһун нэһилиэгин «Айылгы» сынньалаҥ киин иһинэн үлэлиир «ЫМЫЫЧААН» бэйэни сайыннарыы куруһуогун о5олоро «Ыалынан сылдьан ОЛОҤХОЛООҺУН » бырайыагынан нэһилиэкпитигэр икки ыалга уонна «Чуораанчык» уһуйааҥҥа сылдьан бөлөҕүнэн Хомустаан уонна СР культуратын туйгуна, «Гражданскай килбиэн» бэлиэ хаһаайына, Лөгөй нэһилиэгин бочуоттаах олохтооҕо, суруйааччы,суруналыыс Ульяна Бурнашева -УЙАНА «КУСТУК ӨҤНӨӨХ КУЛУУНЧУК» о5олорго аналлаах олоҥхотун үөрэтэн аахтылар. Сылдьыбыт ыалбыт бары олус сэргээтилэр, о5олору хай5аатылар. Өссө да сайдалларыгар ба5ардылар. Өбүгэ сиэринэн о5о олоҥхоһуттарга махтанан минньигэс аһынан күндүлээтилэр. Кырдьа5ас сыана ветерана Елена Ивановна Протопопова олуһун астынан о5олорго Алгыс тылын анаата, урукку олоҥхоһуттар алаастарынан ыалга сылдьан үс күннээх түүнү быһа олоҥхолуулларын туһунан кэпсээтэ. Түмүккэ сүргэтэ көтөҕүллэн бэйэтэ тойуктаан иһитиннэрдэ 👍🏻👏🏻 О5олор кырдьа5ас эбээ тойугун истэн,куолаһа билигин да чөллөркөйүн сө5ө истэн, олуһун сэргээтилэр,астыннылар. Доруобай,чэгиэн сылдьарыгар ба5ардылар! 👍🏻👏🏻👏🏻👏🏻 Хомойуох иһин барыахпытын ба5арбыт кырдьа5астарбыт араас биричиинэнэн, билиҥҥи дьаҥ кэминэн сатаан о5олору истибэттилэр. Кэлиҥ ыҥырдахтарына о5олор бириэмэлэриттэн көрөн сылдьыахпыт дии саныыбын. Көрдөһүүбүтүн ылынан көрсүбүт ыалларбытыгар Елена Ивановна5а, Вера Егоровна5а,Августина Егоровна5а уонна «Чуораанчык» уһуйаан үлэһиттэригэр махталбытын тиэрдэбит.🙏🏻👏🏻🙌🏻 Махталы кытта *»ЫМЫЫЧААННАР»* — 7 кылаас үөрэнээччилэрэ: Анжела Слепцова, Дарина Слепцова, Сайаана Неустроева, Виолетта Бурцева, Рианна Бурцева, 5 кылаас үөрэнээччилэрэ: Лилиана Заболоцкая,Анжела Петрова, Ирияна Неустроева уонна 1кылаас үөрэнээччитэ Леонгард Неустроев, салайааччы А.Н.Неустроева.
Сэтинньи 11 күнүгэр,П.А.Ойуунускайга аналлаах декада иһинэн,нэһилиэктэн ыҥырыынан 7 киһилээх делегация Таатта улууһун Чөркөөхтөөҕер «Саха сиригэр политсыылка историята» уонна П.А.Ойуунускай аатынан государственность музейдарыгар сылдьан кэллибит. Музей сотруднига Марианна Егоровна Барахова эрдэттэн сүбэлэһэн,биһиги сырыыбытын үбүлүөйдээх тэрээһиннэригэр кытыннаран, сэргэхтик көрсөн илдьэ сырытта. Тэрээһин П.Ойуунускай пааматынньыгар сибэкки дьөрбөтүн ууруунан саҕаланна. Пааматынньыкка Таатта улууһун баһылыгын солбуйааччыта Святослав Васильевич Сунхалыров,Чөркөөх нэһилиэгин баьылыга Андрей Петрович Семенов, солбуйааччыта Александра Васильевна Вырдылина,музей сэбиэдиссэйэ Михаил Геннадиевич Аржаков,саха тылын,литературатын учуутала,П.Ойуунускай хаан айма5а Эмма Хрисамфовна Кашкина дириҥ ис хоһоонноох,уоттаах-төлөннөөх этиилэри эттилэр,ахтыылары оҥордулар. Салгыы П.Ойуунускай төрөөбүт,улааппыт балаҕаныгар сырыттыбыт.Таатта улууһун сиригэр-уотугар үгүс-элбэх үрэх төгүрүктүү суурдэр буолан, биир нэһилиэккэ хас эмэ муоста тутуллар эбит. Суруйааччы музей-уьаайбатыгар тиийэргэ үрэҕи туоруур киьи сө5ө керер муостатын уонна былыргы бала5аны Ил Тумэн депутата Виктор Николаевич Лебедев бэйэтин үбүнэн туттарбытын,реставрациялаппытын биһирии көрдүбүт. 2 музей экспонаттарын,сүрдээх баай историялаах Таатта улууһун биллэр дьонун-сэргэтин,былыргыттан билиҥҥи кэмцэ дылы оло5ун-дьаьа5ын экскурсоводтар Светлана Халгаева,Изабелла Жерготова киьи истэн бара туруох курдук умсугутуулаахтык кэпсээн сырдаттылар. Биир кэрэхсэбиллээ5инэн, Мирнэй куорат театра(режиссер 88 саастаах Георгий Нестер) «Дьулуруйар Ньургун Боотур» олоцхону нууччалыы тылынан моноспектакль туруоран кердербуттэрэ буолла.Олоҥхону нуучча кыыһа,театр артыыһа Анна Черданцева чааһы быһа ис-иһиттэн иэйэн-куойан,кыайа-хото тутан аахпытын, умсугуйан иьиттибит. Черкееххе сырыыбытын бары астынан кэллибит.Музей улэьиттэрэ аны сайын Халамнаайыны уутугар киирэн турда5ына,кэлэн керееруц диэн,ыцыра хааллылар.
⚜️⚜️⚜️ *»ҮС САХА ТӨРҮӨҔЭР МИН ЫРЫАМ ЫЛЛАНЫА…» Сэтинньи 6️⃣ күнүгэр Бэрт-Ууһун нэһилиэгэр «Эйэ5эс эбээлэр» түмсүү салайааччыта А.Л.Неустроева, олохтоох библиотека заведующайа М.М.Иванова көҕүлээһиннэринэн «Айылгы» сынньалан киинигэр Саха советскай литературатын төрүттээччи, поэт, прозаик, драматург, учуонай-филолог, Саха Автономиятын төрүттэспит, биллиилээх, общественнай, политическай деятель ПЛАТОН АЛЕКСЕЕВИЧ ОЙУУНУСКАЙ төрөөбүтэ 1️⃣3️⃣0️⃣ сылыгар аналлаах «Дьон норуот дьолугар, Дьол-соргу туһугар!» декада арыллыыта ыытылынна. Литературнай биэчэргэ Сыырдаах оскуолатын 4 кылааһын уерэнээччитэ Антон Неустроев «О5о куйуурдуу турара» айымньыттан уол монологун аа5ан, а5а саастаах дьон махталын,хай5алын ылла. О5о5о үөрэҕэр ситиһиилэри ба5ардылар. А.Л.Неустроева декада Сэтинньи 6 күнүттэн 16 күнүгэр диэри ыытыллар программатын торумун кэпсээтэ. П.А.Ойуунускай «Дорообо, Өрүүчэ», «До5орбор Сүөкүччэ5э», «Ийэм Дьэбдьэкиэй уҥуоҕар» хоьоонноро аа5ылыннылар. Тумуккэ П.А.Ойуунускай кэриэстээн «Былааһы советка» ырыатын бука бары сүһүөххэ туран күргүөмүнэн ыллаатылар.
play youtube, play youtube, Brazzer, xhamster, xvideos, hentai, porn, tiktok download, MP3 download, Download Mp3, , Panthers Georgia, sex mex, mp3play,
Бэрт-Ууһун нэһилиэгин түөлбэ олохтоохторугар ИЛ, ЭЙЭ, СОМОҔОЛОҺУУ күнүгэр аналлаах «БАРЫ БИИРГЭ КӨХТӨӨХТҮК» тэрээһин бастаан 1️⃣4️⃣ч.0️⃣0️⃣м. Г.Г.Черкашин аатынан олохтоох спортзалга түөлбэлэр икки ардыларыгар «Көрдөөх эстафета» ыытылынна🤾♂️🏌🏻♀️🎯🏃♀️🏃🏻♂️🥳🥳Онтон үргүлдьү»Айылгы» СК киирэн викторина буолла. И.С.Портнягин аатынан орто оскуола о5олоро кэлэн эҕэрдэлээтилэр, уопсай күрэх түмүгүнэн: l миэстэни — «Саһарҕа» түөлбэ, ll миэстэни — «Эрчим» түөлбэ, lll миэстэни «Дьүкээбил» түөлбэ ылары ситистилэр. Бука бары «Биир ньыгыл Россия» партия оҥорбут бэлэхтэринэн — сертификаттарынан уонна грамотанан на5араадаланнылар 👍🏻👍🏻🎊🎉🎊
«Айылгы» СК play youtube, play youtube, Brazzer, xhamster, xvideos, hentai, porn, tiktok download, MP3 download, Download Mp3, , Panthers Georgia, sex mex, mp3play,
Бэрт-Ууһун нэһилиэгин «Айылгы» СК бүгүн алтынньы 2️⃣9️⃣ күнүгэр, » СЭБИЭСКЭЙ КЭМИ ЭРГИТЭН»🚩🚩🚩 Комсомол 1️⃣0️⃣5️⃣ сылыгар аналлаах тэрээһин! 🔸 » Умнуллубат кэмнэрбит» быыстапка5а🥁🎺🚩 Кыттыыны ыллылар Мэҥэ-Хаҥалас Төҥүлү уонна Тумул нэһилиэгин коллекционердара.👍 🔸 «Эн Комсомол — мин дьолум» эдэр саас , Комсомол кэмнэрин ахтыһыыга «Молодой гвардеецтар» Семен Иннокентьевич Гоголев, Альбина Львовна Неустроева, «Оскуола — производство — үрдүк үөрэх » ыҥырыынан ыанньыксытынан үлэлээбит, комсомол кэккэтин бастыҥнарыгар сылдьыбыт Ульяна Тимофеевна Бурцева кыттыыны ыллылар. 🔸Комсомол кэминээ5и ырыа-тойук,ретро-муода, баян музыкатынан үҥкүү — битии💃🕺🏻 урукку кэми санатар аттракцион, танцы кэмигэр оонньонор араас көрдөөх оонньуулар оонньоннулар. Кэлбит дьон ордук астына ыалдьыттарбыт быыстапкаларын сө5ө көрдүлэр, «Айылгы» СК үлэһиттэрэ бэлэмнээбит Сэбиэскэй кэминээ5и фотозонатыгар астына фотосессиялаатылар. Эдэр сааһы эргитэн сэргэхсийэн, астынан тар5астылар.👍🏻🙌🏻👏🏻 А. П. Иванов аатынан «Айылгы » СК
play youtube, play youtube, Brazzer, xhamster, xvideos, hentai, porn, tiktok download, MP3 download, Download Mp3, , Panthers Georgia, sex mex, mp3play,
Бүгүн, алтынньы 2️⃣0️⃣ күнүгэр, Сыырдаах бөһүөлэгин Кэрэ аҥардарыгар аналлаах Ийэлэр күннэрин чэрчитинэн » БАРЫ БИИРГЭ КӨХТӨӨХТҮК, БАРЫ БИИРГЭ СЭРГЭХТИК» девизтээх хамаанданан күрэх олус тыҥааһыннаахтык, көрдөөхтүк ааста. Күрэхтэһии арыллыытын муз.нүөмэрдэр киэргэттилэр. Уопсайа 4 хамаанда кыттыыны ылла , ол курдук l -кы миэстэни «Мичээр» хамаанда — А.Л.Неустроева, З.Р.Гоголева, Г.Д.Портнягина , ll-с миэстэни «Администрация» хамаандата — М.С.Мордовская, В.А.Бурцева, В.М.Иванова, lll-с миэстэни «Снежинка» хамаанда- Н.К.Слепцова, И.Г.Ширяева, Л.Н.Колодезникова, lV-с миэстэни «Дьүөгэлиилэр» — С.В.Бурцева, Е.Н.Иванова, А.П. Колодезникова хамаандалара ылары ситистилэр. Күрэх 5 түһүмэхтээх буолла: 1) Викторинаны ыытта олохтоох библиотека сэбиэдиссэйэ М.М.Иванова. 2) Таабырын түһүмэҕин — уус-уран салайааччы А.Н.Неустроева. 3) «Лабиринт» көрдөөх оонньууну — тех.үлэһит В.А.Бурцев, ветеран үлэһиппит А.А.Портнягина. 4) «Сахалыы терминнэр» түһүмэҕи — оформитель А.Н.Тарская. 5) «Матыыбы таай» түһүмэҕи муз.оператор И.И.Барабанскай ыыттылар. Бука бары кыттыыны ылбыт Кэрэ аҥардарбытыгар өссө төгүл махтанан туран, бырааьынньыктаргытынан итиитик — истинник эҕэрдэлиибит, дьиэ-кэргэҥҥитигэр дьолу, үөрүүнү-көтүүнү, куруутун бүгүҥҥүгүт курдук олоххо көхтөөх буоларгытыгар ба5арабыт! Күрэхтэһиини таһынан » Талаан тарбах » сүүйүүлээх оонньуу билиэтэ атыыланна. Билет өссө да баар, атыылаһарга ыҥырабыт🥳👍🏻👍🏻Сүүйүүлээх билиэт сыаната: 2️⃣0️⃣0️⃣ солк. Оонньуу , билет атыыланан бүттэҕинэ, онлайн оонньонуоҕа диэн биллэрэбит. Оонньууну ыытыахтара: «Айылгы» ск директора Л.Л.Бурцева уонна тех.үлэһит М.Е.Барабанская. Билет ыларга тиэтэйиҥ, а5ыйах хаалла. Бааттаах нүөмэргин тал, сүүйэн ыл диэн ыҥырабыт 👍🏻🙌🏻 А.П.Иванов аатынан «Айылгы » СК.
play youtube, play youtube, Brazzer, xhamster, xvideos, hentai, porn, tiktok download, MP3 download, Download Mp3, , Panthers Georgia, sex mex, mp3play,
Бээһээ, Алтынньы 1️⃣8️⃣ күнүгэр Бэрт-Ууһун нэһилиэгэр Ийэ күнүн чэрчитинэн «Айылгы» сынньалаҥ киинигэр о5уруонан иискэ уонна илиинэн оҥоһуктарга маастар кылаастар ыытылыннылар👍🏻👏🏻Маастар кылааһы ыыттылар; «Ситим» үһүс саас оскуолатын салайааччыта В.С. Черноградская о5уруоттан, бисертан оҥоһуктары, А.Л.Неустроева салайааччылаах «Эйэ5эс эбээлэр» түмсүүттэн Е.Г. Ширяева о5уруоттан,бисертэн араас кэрэ аҥар сөбүлээн кэтэр киэргэллэрин, А. И. Васильева фоамиранынан паннолары оҥорууга, З.Р. Гоголева бисертэн синньигэс борубулуоха5а тиһэн араас киһи хара5а сөбүлүү көрөр, дьиэ киэргэллэрин оҥорууга, И.С.Портнягин аатынан Сыырдаах орто оскуолатын үлэһитэ З.Н. Копырина «илии анныгар баар матырыйаалтан» олус кэрэ көстүүлээх ыа5айалары, маллаах иһиттэри хайдах хотуобайтан итэҕэһэ суох гына оҥорууну көрдөрөн сөхтөрдө. Олохтоох библиотека сэбиэдиссэйэ М.М.Иванова үтүлүк, сахалыы бэргэһэ ньэмиэттэрдээх сурунаалын аҕалан ньэмиэттэри үллэһиннэ! 👍🏻👏🏻Бу күн В.Н.Шопина салайааччылаах «Живи здорово» куруһуок, ба5алаах дьонун мунньан, ЦИГУН хамсаныыларынан сэрээккэлэрин са5алаатылар. Онон, ким ба5алаа5ы хас сэрэдэ аайы , күнүс 14:00м дьарыкка ыҥырабыт!🧎🏾♀️🧎🏻♂️ 👍🏻👏🏻Кэрэ аҥардар аналлаах күннэрин бэлиэтээн бииргэ түмсэн , илиинэн оҥоһуктарга сатабылларын үллэстэн, уопут, санаа атастаһан, кэпсэтэн-ипсэтэн, сэргэхсийэн, үөрэн- көтөн, астынан тар5астылар.👍🏻👏🏻💯Күндү дьоммут куруук бүгүҥҥүгүт курдук үөрэ-көтө сылдьыҥ, куруутун чел доруобуйаны, дьиэ-кэргэҥҥитигэр дьолу, этэҥҥэ буолууну , үлэ5итигэр үрдүк ситиһиилэри ба5арабыт! 🙌🏻🙌🏻🙌🏻»АЙЫЛГЫ» СК коллектива. 2023сыл.
play youtube, play youtube, Brazzer, xhamster, xvideos, hentai, porn, tiktok download, MP3 download, Download Mp3, , Panthers Georgia, sex mex, mp3play,