А. П. Иванов аатынан НАК иһинэн үлэлиир «Артыыстар» көр-күлүү бөлөҕүн ситиһиилэрэ.
. Ол курдук муус устар ый 2 күнүгэр Уус Алдан Тумулугар 5 төгүлүн Ксения, Егор Черкашиннар ааттарыгар ыытыллыбыт республиканскай «Дьээбэ-Хообо» аһаҕас көр -күлүү күрэҕэр Ньурба, Үөһээ -Бүлүү, Бүлүү, Эдьигээн,Амма, Чурапчы , Нам, Хатас уонна Уус Алдан улууһун көрү-нары өрө туппут 22 бөлөҕө 103 кыттааччыны түмэн көр-нар түһүлгэтэ тэрилиннэ.
Бу түһүлгэҕэ муҥутуур кыайыылаахтарынан Ньурба улууһун Антоновкатыттан «Айуу чэ» бөлөҕө ылан 50т сертификатынан , 2м Найахы » Көр-Нар» бөлөҕө тахсан 25т сертификатынан уонна 3м » Бэтэкэй бэтиэхэлэрэ» Тумул бөлөҕө 20т сертификатынан наҕараадаланнылар.
Онтон биһиги «Артыыстар » көр -күлүү бөлөҕө «Дьээбэрэҥ кэрэһиттэрэ» анал аатка тигистибит.
Онтон муус устар 5 күнүгэр улууспут киинигэр Бороҕоҥҥо «Тойон Мүрү» култуура дыбарыаһыгар ыытыллыбыт Никита Константинович Алексеев 85 сылыгар аналлаах «Күлүү сүрэх эмчитэ» республикатааҕы көр -күлүү аһаҕас күрэҕэ биир санаалаахтары, көрдөөх ырыаһыттары, үҥкүүһүттэри уонна сыанкаһыттары биир сиргэ муста. Бу күрэхтэһиини Республика үүнэр көлүөнэ театырын артыыстара дьүүллээтилэр. Дьүүллүүр сүбэ бэрэссэдээтэлинэн Георгий Бессонов -Майаҕатта, Екатерина Семенова — Ылдьаана , Елизавета Долбараева уонна Тойон Мүрү култуура дыбарыаһын директорын солбуйааччыта Александр Бурцев үлэлээтилэр.
Бу түһүлгэҕэ кыайыылааҕынан Үөһээ Бүлүү «Үөдэгэй үөннэрэ» бөлөҕө ,
1-кы үрдэл Тумул «Бэтэкэй бэтиэхэлэрэ», 2-с үрдэл «Хатас хаадьылара»,
1-кы үктэл Сыырдаах «Артыыстар » көр- күлүү бөлөҕө,
2-с үктэлгэ,Николай Бурцев көрдөөх ырыанан буоллулар . Ону тэҥэ Александра Андреевна Портнягина «Бастыҥ көрдөөх ырыа» анал аат бирииһинэн наҕараадаланна.
«Артыыстар » көр -күлүү бөлөҕө бу ситиһиибитигэр күүс көмө, айаммытыгар, кэлэрбитигэр- барарбытыгар бензининэн , массыынан хааччыйбыт нэһилиэкпит баһылыгар Илья Прокопьевичка, директорбытыгар Лилия Лазаревнаҕа уонна суоппарбытыгар Евгений Ховровка төһө да бириэмэтэ суоҕун үрдүнэн илдьэн аҕалан таспытыгар «Артыыстар» көр күлүү бөлөҕүн аатыттан махтал тылбытын тиэрдэбит.
