Кулун тутар 7 күнүгэр А. П. Иванов аатынан НАК.
Бэрт- Ууһун нэһилиэгин эр дьоно » Эһиэхэ кэрэ аҥаардарга! » Аан дойду дьахталларын күнүнэн эҕэрдэ кэнсиэрдэрин бэлэхтээтилэр.
Бастаан Аҕа баһылык И. П. Ильин сааскы маҥнайгы бырааһынньыгынан Аан дойду дьахталларын күнүнэн элбэх оҕолоох ийэлэргэ уонна улууска тыа хаһаайыстыбатын сылынан улахан хаһаайыстыбалаах сүөһү иитиитинэн дьарыктанар кэрэ аҥаардарга махтал суругу кытта сертификаттары туттарда. Бу тэрээһиҥҥэ Сыырдаах орто оскуолатын 83 сыллаах выпустара убаастыыр нуучча тылын уонна литературатын учууталын Аммосова А. С. кэриэстээн нуучча тылын учууталыгар Неустроева Д. И. уонна 4 кылаас үөрэнээччитигэр Заболоцкая Лилианаҕа Стручков В. Д. туруорбут бэлэхтэрин туттардылар.
Бу киэһээ хомус дьүрүһүйэ тыаһаата, ылбаҕай ырыа арааһа ылланна.Көрдөөх уонна сүүйүүлээх оонньууларга кыттан , кыайан оҕуруот олордуутугар туттуллар тэриллэри, кус хаас , собо балык убаһа иһэ сүүйэн илии тутуурданнылар.
Эҕэрдэ кэнсиэр кэнниттэн аныгы кэм сиэринэн итии чэйдээх , толору астаах остуол тула ирэ- хоро кэпсэтэн үҥкүүлээн дуоһуйа сынньанан бу дьоро киэһээ түһүлгэтин бэлэхтээбит нэһилиэк эр дьонугар махтанан тарҕастылар.
