https://bertusclub.ru/wp-admin/options-general.php?highlight=confirm_admin_email

https://bertusclub.ru/wp-admin/options-general.php?highlight=confirm_admin_email

МУНИЦИПАЛЬНОЕ БЮДЖЕТНОЕ УЧРЕЖДЕНИЕ "БЕРТ-УСОВСКИЙ ЦЕНТР ДОСУГА "АЙЫЛГЫ" МУНИЦИПАЛЬНОГО ОБРАЗОВАНИЯ "БЕРТ-УСОВСКИЙ НАСЛЕГ"

Урукку кэми эргитэн

Тохсунньу 17 күнүгэр А. П. Иванов аат. НАК
Эргэ Саҥа Дьылынан » Урукку кэми эргитэн» 80-90-2000 сыллар ыччаттара мустан ити кэмнэргэ кэппит урукку таҥастарын кэтэн — симэнэн кэлэн ол сыллар музыкаларыгар үҥкүүлээн ,ыллаан-туойан , оонньоон-көрүлээн бэрт сэргэх тэрээһин буолан ааста.
Бу киэһэни Суоттуттан ыалдьыттарбыт иистэҥньэҥ Далбар Хотуттара бэйэлэрэ тикпит сахалыы кыһыҥҥы соннорун , кылтан уонна араас матырыйаалтан оҥорбут киэргэллэрин кэтэн көрдөрөн уонна хамаанда тэринэн конкурстарга кыттан бу киэһэни өссө киэргэтэн ситэрэн биэрдилэр.
. Көлүөнэлэр «Доҕордоһуу- 70 » , «Огонек -80», «Комбинация-80», «Мираж-90» уонна «Руки вверх-2000» 5 -с хамаандаҕа арахсан 5 көрүҥҥэ, ол курдук-

  1. Бэйэни билиһиннэрии уонна «ретро» таҥастарын, киэргэллэрин кэтэн хаһан хантан хас сыллаахха атыылаһыллыбытын кэпсээтилэр уонна дьон дьүүлүгэр таһааран хааман көрдөрдүлэр.
  2. Түһүмэҕинэн «Вальс», » Рок-н Ролл» , «Макарена» , » Твист», «Ламбада» үҥкүүлэри хамаандалар талан ылан үҥкүүлээн көрдөрдүлэр.
  3. «Пазл» хомуйуу. Манна урукку сэбиэскэй саҕанааҕы Саҥа Дьыллааҕы открыткалары лоскуйа кырыллыбытын хомуйууга ким түргэнин быһаарыстылар.
  4. Хамаандаттан 2 киһи хаһыат үрдүгэр үҥкүүлээтилэр.
  5. Түһүмэххэ хамаанда бэйэтэ сөбүлүүр ырыаларын ыллаатылар.
    Уопсай түмүккэ «Комбинация» бастакы миэстэ, иккискэ «Мираж» , уһус миэстэҕэ «Огонек» хамаандалара тигистилэр. Кыайыылаах уонна кыттыбыт хамаандаларга урукку кэми санатан хаһыакка сууламмыт минньигэс астаах бэлэхтэри норуот айымньытын киинин аатыттан дьүүллүүр сүбэ бэрэссэдээтэлэ Лилия Бурцева туттартаата.
    Мустубут дьон толору астаах итии чэйдээх остуол тула олорон урукку кэми санаан оонньоон ыллаан , ирэ-хоро кэпсэтэн тарҕастылар.

Добавить комментарий