🎄🎄🎄Тохсунньу 1 күнүгэр
А. П. Иванов аат. НАК.
Бэрт-Ууһун нэһилиэгэр Сыл үлэ, спортка бастыҥнарын чиэстиир тэрээһин буолан ааста.
Тэрээһин нэһилиэк наҕараадатын туттарыыттан саҕаланна. Нэһилиэк бочуоттаах олохтооҕо бэлиэ нэһилиэк саамай кырдьаҕас олохтооҕор, 91 саастаах Попова Варвара Николаевнаҕа уонна өр сылларга оскуола директоранын таһаарыылаахтык үлэлээбит, педагоическай наука кандидатыгар Черноградскай Илья Ильичка иҥэриллилиннэ. Нэһилиэк социальнай-экономическай сайдыытыгар кылаатын иһин бэлиэнэн Черкашина Евдокия Петровна уонна нэһилиэк баһылыгын Бочуотунай Грамотатынан Ховров Владимир Николаевич наҕараадаланнылар. Бурцева Евдокия Тимофеевнаҕа үбүлүөйүнэн нэһилиэк баһылыгын эҕэрдэтэ, бэлэҕэ туттарылынна.
Улуус баһылыгын Эҕэрдэ суругунан 61 сыл бииргэ олорбут Аграфена Алексеевна уонна Константин Константинович Слепцовтар, Ил Дархан А.С.Николаев эҕэрдэ суругунан уонна «Семейная доблесть» бэлиэни 56 сыл бииргэ олорбут Анастасия Ивановна уонна Павел Васильевич Портнягиннар туттулар.
Дьиэ-уот коммунальнай хаһаайыстыба профсоюһун Эҕэрдэ суругунан уонна харыга кэтиллэр чаһынан Охлопков Иван Гаврильевич наҕараадаланна.
Үлэ туйгуннарынан ааттаннылар. «Култуура бастыҥ үлэһитэ» номинация кыайыылааҕынан буолла Тарская Антонина Николаевна. «Үөрэхтээһин бастыҥ үлэһитэ» номинация кыайыылааҕынан буолла Явловская Роза Романовна. «Доруобуйа харыстабылын бастыҥ үлэһитэ» номинация кыайыылааҕынан буолла Аммосова Татьяна Алексеевна. «Оскуола иннинээҕи үөрэхтээһин бастыҥ үлэһитэ» номинация кыайыылааҕынан буолла Слепцова Кадилана Николаевна буолла. «Дьиэ-уот коммунальнай хаһаайыстыба бастыҥ үлэһитэ» номинация кыайыылааҕынан Охлопков Иван Гаврильевич буолла. Маны таһынан номинациялар кыайыылаахтара үлэлиир тэрилтэлэрин бэлэхтэрин туттулар.
Спортка ситиһиилээхтэри чиэстээһин Аан дойдуга, Россияҕа, республикаҕа үрдүк ситиһиилээхтик кыттыбыттары чиэстээһинтэн саҕаланна. Мас тардыһыытыгар Аан дойду 4 төгүллээх чемпиона, Мас тардыһыытыгар Россия үтүөлээх маастара Попов Дмитрий Дмитриевич. СӨ мас тардыһыытыгар спорт маастара, Аан дойду чемпионатын призера Шестакова Валентина Юрьевна. Дмитрий Дмитриевичка уонна Валентина Юрьевнаҕа сертификаттары чиэстээһин кэмигэр, кэлэ сырыттахтарына ахсынньы 24 күнүгэр туттарыллыбыта.
Россияҕа, республикаҕа үрдүк көрдөрүүлээх спортсменнарга олохтоох дьаһалта баһылыга сертификаттары туттарда. Бастыҥнарынан ааттаннылар Данилов Вадим Петрович – көҥүл тустууга Россия Кубогын аһаҕас күрэҕин чемпиона, Колесов Марсен Дмитриевич – кыһыҥҥы спартакиада хотугу многоборьеҕа чемпиона. Черкашин Николай Гаврильевич – спортиҥҥа Россия кубогын II призера, Черкашин Мичил Петрович – стендовай ытыыга Россия Кубогын III призера, Портнягин Андрей Васильевич – Хабаровскайга ыытыллыбыт боксаҕа Бүтүн Россиятааҕы күрэх III призера, Слепцов Одун Алексеевич – футзалга Республика чемпионатын II призера, Олесов Денис Петрович – чэпчэки атлетикаҕа Республика чемпионатын II призера, Иванов Андрей Петрович – футзалга Республика чемпионатын II призера.
Ону таһынан нэһилиэк чиэһин араас күрэхтэһиилэргэ ситиһиилээхтик көмүскээбит спортсменнарга олохтоох дьаһалта туруорбут бэлэхтэрин туттарда. Улуус остуол тенниһигэр 3 кыһыл, 1 үрүҥ көмүс мэтээллэр хаһаайкаларыгар, элбэх республиканскай турнирдар кыайыылааҕар, призеругар Афонская Зульфия Николаевнаҕа. Дуобакка, саахымакка улуус комплекснай спартакиада күрэхтэһиилэрин призеругар Гоголева Зоя Романовнаҕа. Улуус комплекснай спартакиадатын волейболга күрэхтэһиитин бастыҥ оонньооччутугар, нэһилиэк хамаандатын кыргыттарга капитаныгар, республика лигаларынан, ведомстволарынан күрэхтэһиилэрин чемпионугар, призеругар Федорова Анжелика Витальевнаҕа. Улуус комплекснай спартакиадын гиряҕа, хапсаҕайга, көҥүл тустууга чемпионугар, призеругар, ДьУКХ илин эҥэр улуустар күрэхтэһиилэрин гирэни анньыыга чемпионугар Горохов Станислав Егоровичка. Комплекснай спартакида хапсаҕайга, көҥүл тустууга, многоборьеҕа чемпионугар, призеругар, волейбол аһаҕас республиканскай турнирдар «Кубок Динамо», «Кубок Аммосова», «САХАВА» призеругар Петров Платон Степановичка. Олоҥхо ыһыаҕын оонньууларыгар традиционнай ох саанан ытыыга күрэхтэһиитин кыттыылааҕар, Бороҕоҥҥо, Намҥа, Горнайга ыытыллыбыт республиканскай күрэхтэһиилэр призердарыгар Данилов Михаил Алексеевичка. Көҥүл тустууга, хапсаҕайга, улуус спартакиадатын чемпионугар, призеругар, араас республиканскай турнирдар хапсаҕайга призеругар Данилов Алексей Петровичка.
Улуус баһылыгын Аммосов В.И. махтал суруктарынан наҕараадаланнылар Портнягина А.А., Петрова В.П.
Олохтоох библиотека бастыҥ ааҕааччыларыгар номинациялар туттарылыннылар. Ол курдук «Доруобуйатынан хааччахтаммыт дьон бастыҥ ааҕааччыта» номинацияны Бурцев Дмитрий Валерианович ылла. «Аҕам саастаах ааҕааччы» номинацияны Бурцева Евдокия Тимофеевна ылла. «Ааҕар учуутал» номинацияны Неустроева Диана Ивановна ылла. «Ааҕар үөрэнээччи» номинацияны Сыырдаах орто оскуолатын 10 кылааһын үөрэнээччитэ Терентьева Вика ылары ситистэ. Кыайыылаахтарга олохтоох дьаһалта, библиотека, «Эйэҕэс эбэлэр» түмсүү бэлэхтэрэ туттарылынна.
Культура эйгэтигэр бастыҥ ситиһиилээх «Сайылык Далбардара» коллективка, хомусчут Егор Ширяевка, араас тэрээһиҥҥэ актыыбынай кыттыыны куруутун ылар «Иэйии» вокальнай ансаамбылга, «Дойдууна» үҥкүү коллективыгар, «Утум» коллекционердар түмсүүлэригэр, «Айан» ВИА сал.Константин Слепцовка, «Стимул» скандинавскай хаамыы активистарыгар Портнягина А.А., Бурцева Е.Н., сылын аайы дьонун-сэргэтин үөрдэ сыл бэлиэтин оҥорор Копырин В.И. директор Бурцева Л.Л. эҕэрдэ суруктары, бэлэхтэри туттартаата.
Бу киэһээни хомусчут Егор Ширяев, «Сайылык Далбардара» фольклорнай бөлөх, Анна Неустроева, Алгыстаана Барабанскай, Андрей Васильев уонна Эрхаан Слепцов ырыаларынан киэргэттилэр.
Бастыҥнарга, активистарга истиҥ эҕэрдэ, салгыы айымньылаах, ситиһиилээх үлэни, уйгу быйаҥ олоҕу!
