Ахсынньы 5 күнүгэр Бэрт-Ууһун нэһилиэгэр А.П.Иванов аатынан НАК
Доруобуйаларынан хааччахтаах дьон декадаларын чэрчитинэн улууспут 6 нэһилиэгиттэн Мүрү, Лөгөй, Байаҕантай, Баатаҕай, Өлтөх уонна Бэрт-Ууһуттан 1-кы уонна 2-с 4-түү киһилээх хамаандалара кыттыыны ыллылар.
Бастатан туран ыалдьыттары итии чэйдээх алаадьынан күндүлээтибит, аатын
суолун хантан сылдьарын бигэргэтиннибит.
Тэрээһиммит үөрүүлээх аһыллыытыгар Бэрт-Ууһун баһылыгын солбуйааччыта Василий Петров күрэхтэһии кыттыылаахтарыгар эҕэрдэ тылын эттэ уонна нэһилиэк обществатын үлэтигэр көхтөөхтүк кыттар Дмитрий Бурцевка, Владимир Ховровка, Саргылана Бояроваҕа, Петр Желобцовка, Оксана Петуховоҕа махтал суруктары бочуотунай грамоталарын уонна нэһилиэк түмсүүтүн салайааччытыгар Прокопий Колодезниковка нэһилиэк экономикатын сайдыытыгар кылаатын иһин бэлиэни мустубут дьон ытыстарын тыаһын доҕуһуолунан туттарда. Эҕэрдэ нүөмэрдэргэ Мария Кондратьева үҥкүүтэ, Зоя Петрова, Александра Портнягина норуот ырыатынан, Эрхаан Слепцов, ыалдьыттарбыт Мария Алексеева, Мария Пестрякова, Елена Попова уонна Афанасий Олесов ылбаҕайыр ыаларынан киэргэттилэр.
Күөн көрсө күрэс былдьаһа кэлбит спортсменнарбыт параадтаан киирэн күрэхтэһии былааҕын өрө күөрэттилэр. Күрэхтэһии балаһыанньатын нэһилиэк спортинструктора Василий Шепелев билиһиннэрдэ.
Ол курдук уопсайа 5-с көрүҥҥэ, онтон 4-дэ спорт дартс, түү мээчиги киллэрии, «Иэдэгэй» остуол оонньуута, соһуччу сорудах уонна 13 боппуруостаах саха сирин уонна улууспут историятыттан ыйытыкка хамаанданан эппиэттээн күрэхтэстилэр.
Тыҥааһыннаах илин — кэлин түсүһүүлээх күрэхтэһиибит түмүгэр Прокопий Колодезников хапытааннаах Бэрт-Ууһун «Үктэл» хамаандата чемпион үрдүк аатын ылан олохтоох дьаһалта олохтообут 1т. сертификатынан, 2 миэстэҕэ Варвара Ноговицина хапытааннаах Мүрү нэһилиэгин хамаандата ситиһэн А.П.Иванов аатынан НАК олохтообут бирииһин туттулар. Уонна 3-с бириистээх миэстэҕэ Мария Пестрякова хапытааннаах Байаҕантай холбоһуктаах хамаандата тахсан күрэхтэһээччилэр бэйэлэрэ аҕалбыт бириистэрин туттулар. Күрэхтэһии кыайыылаах хамаандатыгар кубок уонна бириистээх миэстэҕэ тиксибит хамаандалар хас биирди кыттааччыларыгар мэтээллэринэн уонна граматаларынан, күрэхтэспит хамаандаларга барыларыгар кыттыбытын иһин туоһу суруктарынан бириистэринэн наҕараадаланнылар.
Түмүгэр итии чэйдээх ,толору астаах остуол тула олорон ирэ-хоро кэпсэтэн ыллаан — туойан, үҥкүүлээн, оонньоон, инникини былааннаан үерэн-көтен дуоһуйа сынньанан тарҕастылар.
Күрэхтэһиибит мэтээллэрин кубогынан спонсардаабыт Василий Шепелевка, бириис туруорбут И.С.Портнягин аатынан оскуола коллектибыгар барҕа махталбытын тэрийээччилэр ааттарыттан махталбытын тиэрдэбит.
