Сэтинньи 23 күнүгэр А.П.Иванов аат. НАК Нэһилиэкпитигэр «Байанай» күнүгэр аанаан булчут уолаттар көҕүлээһиннэринэн быыстапкалаах викториналаах күрэхтэһиилээх бэрт сэргэх тэрээһин буолан ааста.
Банайбыт киэһээтигэр таарыйа Олоҥхо уонна хомус декадатын дьүөрэлии тутан саха көрдөрөр иһитиннэрэр хампаанньа «Олоҥхо Батл» кыттыылааҕын Өлтөх нэһилиэгин Бэйдиҥэ кулуубун дириэктэрин Игнатий Слепцову ыалдьыттатан Олоҥхо аахтаран дьиэрэттибит, бэйэбит Егор Ширяевпыт хомуһун тыаһын чугдаартыбыт. Аҕа баһылыкпыт Илья Ильин Байанай күнүнэн эҕэрдэтин тиэртэ уонна нэһилиэкпит биир убаастанар киһитэ байанайдаах булчуппут Петр Николаевич Алексеев кэргэнигэр Анастасия Петровнаҕа Геннадий Бурцев дьиэ-кэргэнин аатыттан кус уонна булт этин туттарда.
Дьоро киэһээбит кэтэһиилээх «Байанай бэлэҕэ » сүүйүүлээх оонньутугар, сүрүн бирииһэ «Бадаар» булт маҕаһыыныттан 20т сертификат, Руслан Федотов маҕаһыыныттан сертификаттар, электромассажер (А.П.Иванов аат, НАК дир .Л.Л.Бурцева), Илларион Попов салалтатынан үлэлиир уус уолаттар Егор Колодезников, Анатолий Иванов, Александр Катакинов быһахтара, Иван Ефимов быһаҕа, Валерий Колодезников, Александр Петров, Василий Копырин, Спиридон Садовников, Прокопий Колодезников, Александр Аммосов убай быраат Михаил, Афанасий, Анатолий, Павел Копыриннар, Олег Николай Черкашиннар, Василий Бурцев, Григорий Бурцев, Василий Местников, Василий Петров, Василий Явловскай бултаабыт кустарын, хаастарын андыны, балыктарын, куобах, бултарын эттэрэ уонна «Хаптаанньа Эбэҕэ» балыктаабыт муҥхаһыттар уонна олохтоох админитрация аатыттан биир куул балыгын сүүйэн үердүлэр. Сүрүн бирииһи 20т сертификаты байанайдаах булчут Прокопий Колодезников сүүйдэ.
Тэрээһиммит ити сүүйүүлээх оонньуунан муҥурдаммата .
«Саама, саамай» — собо конкурсугар Егор Ширяев кыайан Валерий Стручков туруорбут бирииһинэн наҕараадаланна. Булка сыһыаннаах боппуруостарга кыайыылааҕынан Илья Ильин буолла уонна НАК бирииһэ туттарылынна. 3-с көрүҥнээх күрэхтэһиибитигэр 6 булчут кыттыбытыттан 1м Явловскай Василий Дмитрий Попов туруорбут палатка-дугда хаһаайынынан буолла. 2м Егор Ширяев тиксэн 1,5т сертификатынан наҕараадаланна. Уонна бочуоттаах 3м Александр Иванов 500солк. сертифаты ылары ситистэ.
Бүтэһик күхтэһиибит «оҕо саас ахтылҕана» көрүҥҥэ арагаакканан ытыыга кэлбит эр дьон уонн кэрэ аҥардарбыт үксэ кыттыбытыттан 1м Валерий Стручков ылан 30 устуука ботуруонунан, 2м Егор Ширяев хааһынан, 3м Галина Олесава ылан Сыа мурун диэн муора куһунан наҕараадаланнылар. Бу көрүҥҥэ Василий Явловскай оҥорбут арагааккатынан ыттаран доҕорунаан Николай Черкашинныын олохтоотообут бириистэрин туттулар.
Дьэ уонна түмүккэ мустубут дьон булчут уолаттар бэлэмнээбит остуолун тула ирэ хоро кэпсэтэн эт арааһын амсайан сүргэлэрэ көтэҕүллэн тарҕастылар. Норуот айымньытын киинин үлэһиттэрэ нэһилиэкпит булчуттарыгар тэрээһиҥҥэ күүс көмө буолбут дьоммутугар махтал тылбытын тиэрдэбит.
