Алтынньы 19 күнугэр А.П.Иванов аатынан НАК «Дьиэ кэргэним — мин биһигим» Саха сиригэр «Ийэ күнун» Арассыыйаҕа «Аҕа» күнүгэр аналлаах э5эрдэ тэрилиннэ.
Кэнсиэри Г.В.Бурцева салалтатынан орто оскуола оҕолоро «Ийэҕэ махтал» уус -уран дьүһүйүүнэн саҕаланна. Баһылык И.П.Ильин нэһилиэк Ийэлэрин уонна Аҕаларын эҕэрдэлээтэ, на5араадалары туттартаата: Матрена Федоровна Тарскаяҕа улуус тыатын хаһаайыстыбатын сайдыытыгар киллэрбит кылаатын иһин анал бэлиэни туттарда, юбилейнай дааталаах Клара Даниловна Колодезниковаҕа нэһилиэк баһылыгыттан, үлэлээбит ветеринарнай сулууспаттан Л.Г. Лебедева уонна соц.үлэһит В.М. Иванова эҕэрдэ суруктары кытта өйдөбүнньүк бэлэхтэрин туттардылар. Нэһилиэк олоҕор кехтөөхтүк кыттар ийэлэргэ А.А. Бурцеваҕа, З.Р Гоголева5а аҕа баһылык махтал суруга туттарылынна.
Бу нэдиэлэ устата түмсүүлэр, коллективтар тэрийиилэринэн араас интэриэһинэй тэрээһиннэр ыытылыннылар. Ол курдук «Сайылык Далбардара» түмсүү салайааччы З.Д.Петрова, библиотекарь П.Е.Парникова салалталарынан араас хайысхалаах тэрээһиннэр буоллулар. Ол курдук бэйэ илиитинэн оҥоһуллубут оҥоһуктар быыстапкалара, күрүчүөгүнэн баайыыга, оҕуруонан тиһиигэ, саха сонун тигиигэ маастар кылаастар, оскуола оҕолоругар видеоролик устуутугар уонна «Эйэҕэс эбээлэр» түмсүү салайааччы А.Л.Неустроева салалтатынан эдэр ийэлэргэ «Квест-игра» оонньуулара ыытылыннылар. Кыайыылаахтарга уонна кыттыбыттарга кэнсиэр кэмигэр үерүүлээх быһыыга өйдөбүнньүк бэлэхтэри туттардылар.
Кэнсиэри саамай кыра кыттааччыта «Чуораанчык» уһуйаанын иитиллээччитэ Долун Иванов, ырыаһыттар Эрхан Слепцов, «Иэйии» вокальнай ансамбль, «Сайылык далбардара» уонна «Дойдууна» үҥкүү бөлөҕө ылбаҕай ырыаларынан, нарын үҥкүүлэринэн киэргэттилэр.
