Бэрт- Ууһун нэһилиэгэр » Түмсүөҕүн күөх харыйа тула» А. П. Иванов аатынан норуот айымньытын киинин иһинэн үлэлиир түмсүүлэргэ бырааһынньыктааҕы тэрээһин

Тохсунньу 9 күнүгэр Бэрт- Ууһун нэһилиэгэр А. П. Иванов аатынан норуот айымньытын киинин иһинэн үлэлиир түмсүүлэр, кружоктар түмсэн «ТҮМСҮӨҔҮН КҮӨХ ХАРЫЙА ТУЛА» бырааһынньыктааҕы тэрээһин буолла.
Бастатан туран, кэлбит дьону, уус- уран самодеятельность актыыбынай кыттааччыларын итии- истиҥ эҕэрдэтин, саҥа сылга саҥалыы ситиһиини баҕаран туран 2026 сыл Өрөспүүбүлүкэҕэ култуура сыла биллэриллибитин директор Бурцева Лилия Лазаревна биллэрдэ.
Ыалдьыттарга ылбаҕай ырыаларын бэлэх ууннулар: Андрей Васильев, Эрхаан Слепцов, Кондратий Герасимов.
Тэрээһин бэрт сэргэхтик ааста. Ол курдук дьиэҕэ бэлэмнэнэн оҥорон кэлбит:
«СИМВОЛ ГОДА» конкурска
l миэстэни Петрова Вера Платоновна,
Il миэстэни Васильева Августина Сидоровна,
lll миэстэни Бурцева Валентина Анатольевна.
«КЭРЭЧЭЭН ХАРЫЙА» конкурска
l миэстэни Гоголева Зоя Романовна,
ll миэстэни Тарская Матрена Федоровна,
lll миэстэни Васильева Августина Сидоровна.
«АРААС АЧЫКЫ» конкурсугар
l миэстэни Попова Нюрбина Константиновна,
ll миэстэ Гоголева Зоя Романовна,
lll миэстэни Портнягина Александра Андреевна ылары ситистилэр
«БАСТЫҤ БҮЛҮҮДЭ» конкурска
l миэстэни Попова Нюрбина Константиновна,
ll миэстэни Иванова Людмила Гаврильевна,
lll миэстэни Портнягина Александра Андреевна ыллылар.
Ону таһынан биирдиилээн конкурстар, күрэхтэр бэрт сэргэхтик, көхтөөхтүк буоллулар.
Конкурстар быыстарыгар элбэх эҕэрдэлэр этилиннилэр, ырыалар ылланнылар. Куруук күүс- көмө, сэргэхситэ турар норуот айымньытын киинин коллективыгар элбэх Махтал тыллары анаатылар, ол курдук Тарская Матрена Федоровна, Данилов Валерий Иванович, аҕам саастаахтар «Көмүөл» түмсүү салайааччыта Портнягин Максим Максимович уо. д. а. кэлбит дьоҥҥо истиҥ тыллары анаатылар.
Үҥкүү- битии оройуттан ылылынна, көр- күлүү, ырыа- тойук ыраахха дьиэрэйдэ.
Кэлбит дьон астынан, махтанан, илии тутуурдаах үөрэн тарҕастылар.
Өссө да бары бииргэ, биир сомоҕо буолан түмсүөҕүн.

А. П. Иванов аатынан норуот айымньытын киинин коллектива