Бэрт- Ууһун нэһилиэгэр Геройдар күннэрин тэрээһинэ

Бүгүн, ахсынньы 10 күнүгэр Бэрт- Ууһун нэһилиэгэр Геройдар күннэригэр Хорсун уолаттарбытын чиэстээһин буолан ааста.
Тэрээһин быыстапкаттан саҕаланна, локальнай уонна анал байыаннай дьайыыга сылдьыбыт уолаттарга аналлаах быыстапканы көрүү буолла. Онтон уолаттарга аналлаах презентацияны көрөн сэргээтилэр, быыстапканы, презентацияны олохтоох библиотека сэбиэдиссэйэ Пелагея Егоровна туруорда.
Геройдар күннэринэн биһиги нэһилиэктэн анал байыаннай дьайыыга сылдьыбыт Хорсун уолаттарбытын:
» За храбрость» ll степени мэтээллээх Иванов Павел Павлович,
медаль » Жукова» Копырин Игнатий Игнатьевич, «Участник специальной военной операции» мэтээллээх Березкин Николай Николаевич наҕараадаламмыттарынан чиэстиир дьоро күн ааста.
Бүгүн биһиэхэ ыалдьыттыы кэллилэр биир дойдулаахтарбыт:
СӨ » За Отечества» байыаннай дьайыылар бэтэрээнин ассоциациятын бэрэсэдээтэлэ » Боотур» этэрээт салайааччыта, » Мужества», » За военные услуги», » За заслуги перед Отечеством» ll степени, » Мужество и Гуманизм» l степени орденнар кавалердара, Россия спецнаһын бэтэрээнэ, СӨ тыатын хаһаайыстыбатын үтүөлээх үлэһитэ анал бэлиэ хаһаайына, Уус- Алдан улууһун, Бэрт- Ууһун нэһилиэгин бочуоттаах олохтооҕо Черкашин Иван Петрович
» Мужество» орден кавалерын, » За Отвагу», » За Храбрость» ll степен мэтээллэрдээх, Луганскай народнай республика » Службою и Храбростью» ll степеннээх орденнаах, » За отвагу» мэтээллээх Колодезников Иннокентий Семенович
«Участник контр террористической операции на Северном Кавказе» наҕараадалаах, Почетная грамота от министра МВД, » Ветеран боевых действий», медаль юбилейный 25 лет ассоциации ВБД и внутренних войск РС( Я), нагрудной знак Союза ВБД и локальных войн, » За вои в Чечне» Андросов Александр Николаевич
СӨ култууратын уонна үөрэҕирии систематын туйгуна, СӨ ырыа айааччыларын сойууһун салайааччыта, Бэрт-Ууһун нэһилиэгин бочуоттаах олохтооҕо Андросов Николай Михайлович.
Геройдарга Махтал тылын уонна мэтээллэри Бэрт- Ууһун нэһилиэгин баһылыга Ильин Илья Прокопьевич Иванов Павел Павловичка, Горохов Станислав Егоровичка Уус- Алдан улууһа олохтообут » Участник специальных военных операций» наҕараадаларын туттарда, ону таһынан анал байыаннай дьайыыга сылдьар уолаттарга күүс- көмө буолбут волонтердарга, салайааччы Парникова Пелагея Егоровна, Махтал суругун туттарда.
Урукку уонна билиҥҥи Бэрт- Ууһун нэһилиэгин Геройдарыгар Барҕа Махталларын, итии- истиҥ тылларын эттилэр биир дойдулаахтарбыт Черкашин Иван Петрович, Колодезников Иннокентий Семенович.
И. С. Портнягин аатынан Сыырдаах орто оскуолатыттан Антонова Наталья Егоровна, төрөппүттэр ааттарыттан Васильева Анна Ивановна, Олесова Галина Егоровна Барҕа Махтал, алгыстаах тылларын анаатылар. Бииргэ үөрэммит оҕолорун аатыттан Илья Прокопьевич Ильин Махталын тириэртэ.
Кэлбит ыалдьыттарга ылбаҕай ырыатынан бэлэх уунна биир дойдулаахпыт Николай Андросов уонна кэрэ куоластаах Мария Портнягина, Иннокентий Барабанскай, Кондратий Герасимов, Андрей Васильев, Эрхаан Слепцов. Тэрээһини иилээн- саҕаллаан ыыттылар Пелагея Парникова, Кондратий Герасимов.
Тэрээһиҥҥэ бары биир сомоҕо буолан кэлбит биир дойдулаахтарбытыгар, оскуола оҕолоругар, нэһилиэк дьонугар- сэргэтигэр Барҕа Махталбытын тиэрдэбит. Куруутун бу курдук бары бииргэ буолуоҕун, барыгытыгар этэҥҥэ буолууну.

А. П. Иванов аатынан норуот айымньытын киинэ