Бэрт- Ууһун нэһилиэгэр БАЙАНАЙ ыйынан бэрт сэргэх тэрээһин буолан ааста

Сэтинньи 28 күнүгэр БАЙАНАЙ ыйын түмүктүүр тэрээһин икки түһүмэҕинэн ыытылынна.
Бастакы түһүмэх Г. Г. Черкашин аатынан спортсаалатыгар мустубут эр дьон 5 киһилээх 3 хамаандаҕа арахсан 6-та түһүмэхтээх күрэхтэһиигэ күөн көрүстүлэр. Күрэхтэһии «Игры кальмаров» балаһыанньатынан хамаанда 5 кыттааччылара бары атахтарыттан бэйэ бэйэлэригэр баанан 6 түһүмэхтээх моһолу бириэмэҕэ ким түргэнник толороругар күрэхтэстилэр. Күрэхтэһии түмүгүнэн И. Неустроев хапытааннаах, С. Черкашин, С. Заболоцкай, П. Колодезников уонна Р. Ховров «Эрчим » хамаанда 1 миэстэ.
2 миэстэни Г. Колодезников хапытааннаах, И. Данилов, «Ю. Васильев, А. Копырин , Б. Бояров «Бэдэр » хамаандата таҕыста.
3 миэстэни В. Явловскай хапытааннаах, В. Андросов, В. Копырин, В. Бурцев уонна В. Мордовской «Баһылайдар» хамаандалара ылан кыайыылаахтарга уонна миэстэлэспит хамаандалар хас биирдии кыттааччыларыгар А. П. Иванов аатынан норуот айымньытын киинэ туруорбут мэтээллэринэн грамоталарынан наҕараадаланнылар.
Иккис түһүмэҕэ А. П. Иванов аатынан норуот айымньытын киинигэр нэһилиэк эр дьоно, ыраах- чугас олорор биир дойдулаахтарбыт олохтообут «ИДЭҺЭ, БАЙАНАЙ БЭЛЭҔЭ» сүүйүүлээх оонньуу ыытылынна . Оонньуу үөрүүлээх аһыллыыта Егор Ширяев хомуһун эҕэрдэ тыаһынан саҕаланна. Нэһилиэкпит чааһынай урбаанньыта Д. Е. Попов нэһилиэккэ ыытыллар араас хайысхалаах тэрээһиннэргэ күүс көмө оҥорор . Бу да сырыыга Дмитрий Егорович уолаттарынаан Спиридон Дмитриевич уонна Дмитрий Дмитриевичтыын анал бириистэрин Людмила Гаврильевна Ивановаҕа, Станислав Черкашинҥа уонна Андрей Васильевка туттарда. «Медведь» маҕаһыынын аатыттан муҥхаһыт Василий Местниковка, балыксыт Егор Ширяевка, эдэр спортсменнарбытыгар Баир Бояровка уонна Дьулустан Аммосовка бириистэри туттартаата. Ол кэнниттэн Нэһилиэк Байанайдаах булчуттарын Байанайтан бэриһиннэбит бултарыттан, балыктарыттан бэйэлэрин илиилэринэн оҥорбут оҥоһуктарын, тыа хаһаайыстыбатын сылынан сүөһү сылгы иитээччилэр эттэрин, үүттэрин , сүөгэйдэрин, кутуллубут хааннарын,
буотарахтарын , уулаах отоннорун, куурусса аһын уонна балык илиминэн, «Бадаар» булт маҕаһыынын сертификаттарынан кыттыһан 2 түһүмэхтэн турар күүтүүлээх билиэт тэҥнээһинэ саҕаланна.Бастакы түһүмэх сүрүн Бирииһин О. Г. Черкашин туруорбут убаһа иһэ комплегын З. Д. Петрова талан ылбыт билиэтинэн тигистэ.
Иккис түһүмэх иннинэ Күрэхтэһиибит кыайыылаахтарын наҕараадалаатыбыт. Кыайыылаахтары Кондрат Герасимов ылбаҕай ырыатынан эҕэрдэлээтэ. күүтүүлээх сүүйүүлээх оонньуубут 2-с түһүмэҕин сүрүн бирииһэ оонньонуон иннинэ нэһилиэк Аҕа баһылыга И. П. Ильин дьонун сэргэтин эҕэрдэлээн » Байанай бэлэҕэ» сүүйүүлээх оонньууга күүс- көмө буолбуттарга махтанан тыл эттэ. Иккис түһүмэх сүрүн «Штиль» Дружба эрбиини туруорбут убай быраат Э. Д , И. Д Стручковтар бириистэрин С. М. Заболоцкай тутан үөрдэ-көттө. Мустубут дьон сүүйүүлээхтэр үөрүүлэригэр уйдаран үөрэн көтөн тарҕастылар.
Бу курдук бииргэ түмсэн дьоммутун сэргэбитин үөрдэ көтүтэ сылдьыаҕыҥ. Бырааһынньыкпытын киэргэппит, спонсордаабыт биир дойдулаахтарбытыгар, нэһилиэк эр дьонугар Барҕа Махталбытын тиэрдэбит.

А. П. Иванов аатынан норуот айымньытын киинин коллектива